講咗半年既五月天末日及重生演唱會終於到啦！我無咁富貴睇晒兩場，不過都專登買咗大會嗰package，有飛之餘，仲有埋自由行package，都幾好！
六點鐘離開三多商圈，搭捷運去到世運站！十個站既路程，超級眼瞓！但一到站就俾人群吹散疲倦！大家落咗捷運站就沿世運大道行入會場！沿路有好多人賣螢光
棒，亦有賣小食，入到場館附近更勁！以為去咗夜市添！五萬人加好多既出入口，攪到完全唔知點行好。問工作人員都問咗三次，行咗一大個圈，先搵到入口。時間
已經差唔到七點半，果然要預早d時間。
我同+Cherry Leung 坐
係洪水猛獸區17倉，其實位置都唔錯，而附近既人講粵語多過普通話。影咗幾張相，就有人唱歌，佢叫做 -
白安！跟住等多一陣，就出場啦！開場既時間真係比香港早好多，差唔多早一小時。呢一刻叫我寫rundown，又係無可能既事。但先頭話重生同末日會有唔
同，不過都係差唔多，最唔同只係其中故事短片換上言承旭同林依晨。呢part比較失望！
![]()
係咁大既場睇演唱會真係感受唔同，首先螢光棒同聲勢已經差好遠。再者舞台、場地又大，佢哋可以坐車圍繞一周，幾正。不過亦因為大成咁。只可以望電視既螢光幕，就咁望嗰台，米都見唔到。
今次演唱會最正就係大會螢光棒，唔知點解，佢要我哋藍色就藍色，彩色就彩色，熄埋都得。真係一百個like。
演唱會Encore咗兩次，第二次再出嚟，居然阿信企係中間嗰枱，超近。Cherry 仲撲出去影相添！再唱多兩首歌，十一點二左右演唱會就完結。唱既時間真係長過香港，好抵睇！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
