大約8點半開場,第一首歌唱唱吓已然釣到好高,跟住再加一個光圈圍住條裙!Rundown 我真係寫唔到,就算著咩衫唱咩都唔記得。不過第一件咁誇既衫,頂晒唱咗兩首就換啦!換衫其實都安排咗一d預錄既短片!記得呢part 有講「想哭的時候只要倒立,眼淚就不會流出來。」 我即刻唸起花澤類!好無聊!
佢換衫既指數好高,跟住一件黑色衫唱黑色月亮,嗰頭真係有月亮架!唱完黑色月亮,跟住嚟一首冷戰!仲要頭半part 國語,下半part 係廣東話。之後又係嗰台除咗呢件衫,變為黃色短裙!勁!不過除黑色衫應該整損肩位,見到有血痕,慘!著住短裙同高踭鞋行落樓梯後,就同兩個結他手嚟三首廣 東歌,包括幸福摩天輪、囍帖街同埋我的驕傲。再唱多幾首自己歌又換衫。
今日無帶相機真係後悔,其實佢d衫都幾靚,好特別,只係一開場音響比較差。同埋有時燈光效果太多同埋強。用電話唔係每件衫都記住,所以真係唔記得啦!不過有有part 似芭蕾舞衫,佢亦表演咗part 現代舞。
最正有一條裙,本身己以為佢太長或者"鋼",所以佢企定定係度唱,點知原來條裙會自己變短,將前面拉起,變為另一個款,配合佢既 BOB頭,都幾夾。只係我哋再三講,前面d陰太長姐!
之後又換衫,去到快歌部份。但粉紅色既頭太誇,終於覺得佢老,唔太靚妹樣!唱咗幾首輕快歌都只係記得青春斗添!完咗快歌就encore部份,換完衫出嚟唱曖昧,仲要自彈自唱。跟住再嚟雨愛。
去到最後一首歌,當然主題曲,愛‧啟程。台上預備咗嗰水池,點知去到最尾,佢行入水池,潛咗入水,都幾誇wor!佢仲要件疑似泳衣衫係白色。上返水,工作 人員俾返件好似酒店既浴袍佢,就係著住件浴袍同你講拜拜,真係正爆!所以睇完晒,真係覺得好好睇,佢好博,而且咁既唸法都好特別,十個讚!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/