BIG BANG ALIVE GALAXY TOUR 2012 IN HK

期待以久的BIG BANG 演唱會終於來臨啦！咁紅既 BIG BANG嚟開演唱會，緊係要買飛入場啦！不過佢d飛都唔平架，最貴係$1680，但唸唔都唔駛唸，點都平過去韓國睇啦！但去到真係睇既前夕，又覺得點解會 買企位架！全晚企足幾粒鐘，仲要同d靚妹爭，真係超後悔。仲要開show 前一個星期講，又話12點已經要去攞籌，咁咪即係全日都唔得閒。我當然無做啦！不過都俾平日早咗好多去到。最後7點未到已經開始係閘口等位，算係難得！跟 住好快就可以入場，不過當然得個企字。去到7點9，坐位既人先入得場，到8點3就開場lu！

五子由太空倉登陸，跟住就一輪勁歌熱舞，當堂唔記得自己係企得幾咁迫。全場都好多人都攞住嗰皇宮螢光棒，令到全場黃色燈光好靚！不過影相嗰刻經常對錯 Focus。

唱咗好多首大熱作品，仲要每人有一首歌 Solo。當然最開心 G-Dragon 唱 Crayon。

我企係最前面既左邊企位，比較多係大成同埋勝利企係度。所以好難影到另外幾個。不過後期多咗周圍走，加上我自己都迫迫吓唔知企咗去邊。同埋要舉高手先影到相，所以影多咗好多靚相，開心死！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/

最後差唔多11點之前散場。雖然咁就無咗千幾蚊，不過都值。反而全晚舉機影相實在太攰，所以全晚瞓覺都feel 到隻手攰爆咗，同行完山隻腳跛咗係一樣！