之前去西九既美酒佳餚展，居然見到有報讀日本酒既課程。之前一路都好想搵，而家見到所以就報名啦！終於嚟到上堂既日子。第一次上品酒堂，當然興奮，俾咗咁貴，仲唔飲返多D。全班得五個人，如果有幾枝酒試，咪可以飲好多，正爆！
咁多款酒唔揀，偏偏揀日本酒先，因為始終對日本同米情有獨鍾！加上成日話大吟釀，到底係唔係好飲d！
今日完全無食飯嚟試酒，真係有d 搵命博，最後再有兩支酒俾我哋試，係盛上撰同埋出羽櫻純米大吟釀！今晚六枝酒類面最貴係出羽櫻。老師最後仲問大家有冇興趣攞返去飲，我緊係有興趣，所以攞咗最貴嗰兩枝！今日真係好滿足。
第二日課程流程大致上都差不多，不過會講得detail d
係酒味，同食材方面既配搭！為咗唔想好似噚日咁空肚飲，所以我今日都食咗嘢先嚟！再加上佢預備配酒既食物，真係幾豐富。今日總共有8枝酒！有d係估唔到係
日本酒既舊酒，佢d色變咗威士忌咁！跟住有濁酒、汽酒、米酒同埋大呤釀啦！其實我最估唔到sake
有Sparkling，好好飲。而濁酒就勁似韓國濁酒既感覺，而今日最正係獺祭。我當然係度狂飲啦！而佢d食物有三文魚芝士醬，嘩！好好味，我塗咗好多落
餅乾度！仲有好似係牛肉乾等等，已經唔記得！最後我都攞咗兩枝返屋企，當然第一係獺祭啦，成三百幾蚊，同埋天狗舞純米酒！不過今日真係飲得太多，所以我沖
完凉過得wing，好快就瞓咗，仲攪到第二朝鬼咁頭痛添！
上完呢兩堂都攪到我好想再研究下日本酒，希望遲d再讀吓Advance Version！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
