0

澳門之行 - 二龍喉公園、禮記雪糕......

vi老篤日記 於 2012-11-27 15:38:53 發表  |  累積瀏覽 551

分類:長線旅遊 特色景點 ;地區:澳門
自從Keeping Sir有一堂話去澳門影相,睇過d相感覺好唔同,所以我都好想去影吓!咁既條件自然想約d 影相既朋友。點知約咗幾次都去唔成,真係失望!估唔到最後係Per、Cherry 同陳慧敏呢個配搭!不過去既時間都係怪怪。因為星期五晚同星期六既房租差好遠,所以最後決定星期五去!

我同cherry 係星期五下晝去,per同陳慧敏就放工之後先嚟!所以剩係買船飛既組合都煩爆!我同cherry 就由澳門上,佢兩個就氹仔上,跟住走佢哋三個都係澳門走,我就氹仔走。所以連旅行社都要問清楚要我睇清楚先confirm,哈哈哈!

我同cherry 搭一點三船,一落船即刻搭的士,唸住一嚟食長城燒烤。點知嗰老闆娘話閘門,趕我哋出門口!於是即刻行路去船屋,點知都係同一遭遇。最後見到對面有間檀香 山,算啦,入去飲杯咖啡食少少嘢都好啦!不過唔好以為佢嗰樣咁茶餐廳,佢最貴既咖啡 - 麝香貓咖啡要成120蚊,我真係飲唔起!我最多都係飲杯藍山咖啡姐!而Cherry 就要招牌凍咖啡。我杯咖啡嗰樣就似足普通咖啡,不過好飲過Pacific,但要$45架!招牌咖啡反而幾特別,用咖啡冰!我哋除咗飲咖啡,都有食到豬扒 飽,不過普普通通啦!食完我哋就由媽閣廟行出大馬路!

呢條路我都好想行好耐,不過一直都無行過,今次總算可以行吓!其實條路都無咩人行,不過一路沿住湖邊,望住旅遊塔又真係幾舒服!再加上今朝明明落緊好大雨,但去到下晝居然無晒雨,不至於陽光普照,但唔落雨都真係差好遠!

好舒服咁行到去大馬路附近,人即刻多咗,過條馬路都難咁!跟住我哋就去食瑪嘉烈葡撻,點知d葡撻都未出得切,所以好多人係門口等!等咗成兩個字,終於有熱 辣辣既葡撻食啦!食完我就去攪吓我部電話,買咗張電話卡,攪咗好耐都用唔到,最後都要去問人!整埋就去搭巴士到二龍喉公園!一嚟當然要搭松山纜車,醒唔起 Cherry 最驚,不過條路實在太短,都未驚已經落車啦!

落咗纜車,我哋就向住東望洋燈塔行去,估唔到Cherry 又係第一次嚟!我當然又係嚟咗N次啦!但差一步,我哋去到嗰天文台!只怪唔好彩,啱啱五點半!唯有係四周影吓相啦!雖然睇唔到日落,不過都有少少黃色金光,算係唔錯既景!

影完相,就沿馬路行,落到去係荷蘭園附近,所以我決定去搵咗禮記雪糕先。我嚟咗咁多次,呢度真係第一次嚟!終於可以食到啦!

叫咗嗰椰子雪糕兩份食,但佢一嚟既感覺我真係覺得似一舊牛油多d lor!

食完行咗去瘋堂斜巷。唔明點解呢度咁少人嚟,但我覺得呢條街影相真係好靚!影完就行到去塔石廣場,咁啱居然有一個藝墟,我哋當然入去睇吓。其實同平時香港既藝墟差唔多,但有人可以係度跌錢,真係估唔到!

原先唸住行返去大馬路,食d嘢再去氹仔等 Per 佢哋嚟,點知佢哋搭早咗半個鐘,所以我哋即刻搭巴士過氹仔啦!

今次住係金沙城 Sheraton,雖然我去過,不過唔記得咗近邊。再加上心急,搭咗架氹仔既巴士,所以要行鬼咁遠。終於去到Sheraton 攞埋房,不過間房對住隔離嗰楝,而遠望就係新濠天地(成晚都望住佢d 霓虹燈閃吓閃吓)。景色真係一般。

兩次都食佢, 真係覺得好好味!






離開酒店,原來酒店有免費車去Galaxy,咁好好多,唔駛行返咁遠去市區。我一心想食葡國菜,發覺唔去嗰d懶係出名既小飛象、木偶,就好似無咩揀。所以最後都係唔搵啦,鬼咁肚餓,去返上次阿珍介紹既葡國嘢 -Reataurante  Lopes 羅比士餐廳。呢間餐廳僻處一角,所以無咩遊客行入嚟!坐係度幾圍都係葡國人。呢一點已經令我好想去第二次,唔駛同大陸人爭,連香港人都見唔到幾好!而得葡國人,仲唔係地道,可能好膚淺,不過我係咁架嗱!

一坐底兩條友即刻叫咗d嘢食住先,食食吓,佢兩個先到!(當然要係手信街接應啦,咁偏,我講唔明架) 不過都係受我老點,去錯咗酒店,行餐死!大家都肚餓,所以叫咗幾多嘢!今日第一餐感覺到滿足!

食完之後後我哋慢慢行返去金沙城!路經威尼斯,佢嗰燈飾都幾靚,不過幻燈表演就完晒!唯有影吓聖誕樹啦!

返到酒店,我哋去咗酒店lobby 既PALMS。仲叫咗兩件餅食,嗰樣真係幾靚!最後攪到成點鐘先返房,估唔到玩半日都好似玩咗好多地方!










感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/










鐘意SeeWide的分享,給我們一個Like吧!
  • 攻略日期:N/A
    攻略地點:澳門
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209321

全部攻略 323

全部回應 5