行咗一年毅行者，今年當然唔會再參與啦！不過都會好支持參與既對伍。首先當然要支持吓舊年係獅子亭等咗我好耐，仲要係屋企攞咗我d乾淨衫褲鞋襪，既
Per啦！佢哋原先1點鐘左右去到大帽山，點知今年既毅行者同舊年一樣，天氣都一樣咁差。踏日星期六就開始落雨，聽聽大家講去基維爾營好似要排隊行咁，因
為又凍又濕，所以大家都行得好慢，攪到有塞人既局面。
因為 support 既兩組人都遲咗。原先唸住遲少少先出發。但 Jonah 打嚟希望早d 換鞋，所以我、聰及Judy 就突然出嚟，去咗一下城門水塘。點知時間都夾得幾好，等咗一陣就見到佢哋。我哋送上熱朱古力，同埋同佢哋傾咗幾句。
跟住我哋就準備去大帽山 support per la！一去到 Teresa
就打俾我問我係邊，之後就會合佢哋！仲話佢哋就到，所以我同朱家聰就唸住行上去。但唔知點解行咗上山十分鐘都未見到佢哋，所以折返。原來per有少少腳
痛，所以落山慢咗。不過第八站有醫療隊 Support，所以佢按摩咗一陣好似又無問題啦！
抖咗一陣，影咗張大合照，佢哋一行7人出發，有人一齊陪行真係好好多！
時間大約已經去到四點，我哋就落咗荃灣再會合哥同
Wendy去咗翠華食嗰飯先。除咗早餐，今日都未食過嘢！食完之後，又返去大帽山啦！搵好地方泊車，同埋set
好帳幕，預備煮嘢食添！但哥、Wendy同我就準備行上去大帽山頂啦！今日完全唔係著行山衫褲，不過呢條係石屎路，都可以，最驚都係怕凍。不過Wendy
好在攞件厚衫俾我，真係擋風擋雨既恩物。
我哋時間啱啱好，一上到去大帽山嗰波就見到 Jonah。補給咗熱薑茶，跟住佢哋起行，我同阿哥就等埋Camus &
Michael。不過轉眼佢哋都出現咗！之後就幫佢哋攞埋嘢落山 lu！大約9點鐘落到去補給站！大家一齊食嘢 lu！原來做 support
真係好開心，哈哈哈哈！
最後佢哋十一點鐘再出發，而我哋執好晒嘢亦離開，攪咗一日終於完結晒！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
