一班中學同學又相約睇草蜢加軟硬，記得幾年前既草蜢演唱會，無端端又係改咗草蜢加軟硬，感覺無齋睇草蜢咁正，但今年一齊和議一起睇，當集體回憶都可以既!
我哋睇中價位既飛，好似十個人去睇，即係差不多一行，準時八點半開場，一嚟就已經舊歌回顧，不過唔係佢哋既歌，係譚詠麟鬥張國榮，再嚟就係梅艷芳鬥羅文。
跟住就正式開始今晚草蜢鬥軟硬。智唱第五個現代化，原來呢首歌係阿智作曲，真係唔講唔知。呢Part
係講創意，經典金句「只要有創意，我愛蔡一智」。不過我已經忘記了軟硬攪咩，除咗林海峰唱嗲噢lor!
正確嚟講應該係講出嚟！第一part完結，total 有五part，睇吓最後邊隊驘。
第二part 好似係妖，蔡一傑唱隻歌叫今晚我靚唔靚。真係難頂到暈。之後軟硬就係高山青龍出場，其實我唔係好知係咩。呢 part都叫唱咗幾首歌既！不過要大家大叫邊隊驘，真係令到聽歌既氣氛又冷卻了!
第三part其實比較特別d，因為好似阿葛唱深淵，蘇志威唱For You，蔡一傑唱只因喜歡你，林海��唱永遠愛著你，而阿智阿傑就再唱好兄弟。最重要大家除咗唱歌，仲會講返對對方既感受。所以呢part幾好，D歌又好聽。
第四part最正就一定係軟硬，因為佢張自已既歌既歌詞改晒，仲要好似毛澤東或者北韓咁出嚟唱，真係笑到爆！最記得點解要大家RED！最後一part係唱快歌，所以草蜢真係驘面大，同埋我睇嗰日又咁啱草蜢歌迷多D，所以最後草蜢勝利。
而最後佢哋唱新歌山頂既朋友。居然真係叫咗個最後一行獨個兒嚟睇既女觀眾，佢仲可以坐係台到睇住佢哋唱 Lonely 俾佢聽。而林狗亦送咗兩張飛俾個觀眾，等佢11月1日再嚟坐第一行，真係羨慕死!
整體嚟講都唔係咁好睇，可能我想聽多D舊歌，多過講咁多嘢。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
