到GPS，真係無日本入電話咁方便。已經有人話我知係煩，所以我都預備晒d 經緯度添！不過都係無用，因為經緯度真係唔知點入好，抄既
code又唔似係佢要我入嗰d，攪到頭痕啊！同埋無經驗者，真係唔知佢一嚟要入city 先，再之後入街名。有時d旅遊書亦好少 exactly
講呢個係邊區，佢只會係近郊，又或者佢會話呢個係 town，咁我唔會唸到 town 都已經可以入去city 到，所以次次set
地點都要攪好耐。反而去旅行前 Simon 介紹既 offline GPS - "navfree"又幾work，係幾個搵唔到既地點，佢都發揮到工用。估唔到免費都會有好嘢！
![]()
|
|
呢張就係最貴既飛 HK$290
|
揸車既時候都不得不講吓D
路!一嚟就係法國揸，真係小街窄路多，咁大架車真係唔夠位行咁!泊車位又窄，泊街真係要預d時間先駛到入去。我哋既車尾都撞咗兩次，仲要係撞到架mini
cooper，你話幾驚！最正都唔知真係小街太多或是GPS太慢，有好幾次係唔見到條路，不停要你轉右，右邊都無路，想點!
又或者叫你行一條好窄既路，一條似單程線既雙程路! 再者就係有屯門公路唔叫你行，狂要你行青山公路，唔通迴旋處好玩d 。
![]()
|
|
有d飛後面都會有圖案，不過俾邊個睇呢，兩下又到閘口。
|
不過高速公路都好正!
一定要預備足夠既coin，因為公路既分段收費都分得幾細，無端端幾公里幾公里一個閘，吓吓都幾蚊幾蚊，又不設找續wor，後面架車又好似吹命符，你話死
唔死。 就算係長路程，我哋試過最貴既係29蚊歐羅，又無credit card, 又要入紙幣又要入coin，真係煩死。
入油亦要留意，有分自助同有人service，當然要人service 你就貴d啦！我哋咪奶嘢 lor！不過問心，我都唔知差幾多，但係算啦，又要行出行入，又唔知幾時停，錢解決到就算啦！
![]()
講完租車，火車飛都唔係易攪。穿州過省嗰d，去之前其實都買定，不過估唔到都要格價。先頭我睇Rail Europe，因為有晒d時間。不過原來咁買會貴d，所以 Geneve to Avignon 嗰程，我係返瑞士國鐵買，未必真係平d，不過多d票價揀，有時唔知點解真係會有特價飛！而意大利嗰程就係咁啦！由 Florence to Roma，係返意大利鐡路website 買，會有返d平飛楝！但最緊記要print 好或者screen cap 所有invoice、ticket 等等，仲要預定早d時間去換定飛，因為換飛都要排隊同攪好耐！
最後真係要講吓搭巴士同電車，瑞士唔知d人係唔係太有錢呢！基本上搭車都無check
飛，所以好衰有幾程巴士我哋都無買飛！去到意大利其實一樣，我哋係廣場落返火車站，都唔知點樣俾錢，扮唔知唔俾錢就坐底，仲要望見兩個遊客，左問問右問
問，最後咪又係坐底！超衰添！而我仲衰到係五漁村搭火車都係買咗一程之後當任搭咁站站落，都無人理我，真係算賺咗！
最後不得不講係瑞士鐡路，佢哋既service真係好全面，寄行李呢個service 真係好好，將你既行李送去目的地，你可以過幾日去攞，方便晒d遊客！去攞行李又快，一俾返張卡，佢就送返件行李啦！我知呢個service 仲可以幫你送去火車站附近既酒店，最衰我住嗰間無份，如果唔係攞都唔
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
