歐洲之旅 - Day 15 & 16

兩個星期既歐洲之旅終於去到尾聲啦！今日一早就離開 Florence，搭火車落羅馬火車站！車程個半鐘，不過個個位都坐滿人，喼又無位放，放係自己腳底，坐得我哋幾辛苦！離開火車，其實應該轉過第二個月台搭去機場，不過當然去吓洗手間先啦！

點解咁刻意講呢part，因為人生未試過去咁貴既廁所。成日話大陸衰，景點既廁所要收錢，估唔到火車站都要！呢樣都算，最慘係要1蚊歐羅，即係10蚊港紙，真係肉都赤！

之後行去到機場既月台，因為要等成廿分鐘，所以都幾無聊，不過望見有部機，好似要將張車票放一放入去，所以我哋都做咗！上咗車，半個鐘既車程就到機場！但 全程車都有人check 飛！以為點解咁多人無買飛，要罰錢！到行到嚟check，先知原來佢要睇吓我哋張飛有冇過月台架機，估唔到無過機既罰款仲貴過張飛，好似要成15，6蚊歐 羅，真係要大叫好彩！

就係要打左下一個小孔，好在無聊做咗姐！

出咗火車站，一路行去機場條路都好遠吓！最後入去發覺好細，可能我哋要轉機去荷蘭，所以第一程當內陸機啦！亦連帶退稅原來都唔係呢度攪！咁我哋唯有快d入 閘，食嘢緊要！最後一餐，我最後都係居然選pizza，因為food court 其實無咩揀，唔係pizza，可能就只有麥記！

除咗food court，呢到都唔係有好多間舖頭，當然無名店啦！所以最後衝刺都無著落！好無聊地係登機閘等添！等到幾咁眼瞓啊！最後等到上機瞓返一陣，之後兩個半鐘 又落機轉搭返香港。係荷蘭機場都無買嘢，見到d嘢，唸起要自己攞返香港都唔鬼想！最後咩都無買，就係咁返香港 lu，結束咗前後16日既歐洲之旅！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/