今日好想瞓耐d，因為真係好眼瞓！不過唔得，我買咗
烏菲茲美術館 Galleria degli Uffizi Ticket。
10點半既飛，10點4已經去到門口排隊攞飛，唸住包無死！點知去到counter，佢話我無print 張飛俾佢，要我 Screen Cap 返張
invoice 俾佢睇。所以又要周圍搵wifi，最後要飲杯 5個幾歐羅既朱古力，先可以攪掂！下次book
呢d嘢都係預早少少，等多d時間係公司慢慢 print，慢慢攪！
![]()
攪
咗成大半個鐘，終於可以入去睇啦！成個場都係放滿咗十七、十八世紀既壁畫、油畫、仲有雕塑添！不過行多一陣，發覺好多以宗教為題材，加上唔係好熟西方歷
史，其實真係唔識欣賞。(而我本人會較喜愛中國建築或者山水畫多d lor！)
全個場都幾大，每幅畫都唔會識，好求其咁快望，最後行咗成個幾鐘，真係腳軟啦！所以行完出嚟要抖抖同食返d嘢補充吓體力先！
回復體力，我哋就係周圍既小街行吓！呢度既小店舖反而失色咗d，但係名店就有唔少！不過本身都無格過價，所以都係行吓算啦！但會緊記嚟到 Florence 既 Gucci，都係會有人同你講國語架，中國人好威啊！
之後又見到維奇歐橋 (Ponte Vecchio)啦！今日係另一邊影，好似好過噚日少少，因為有水既倒影，感覺靚少少既！
下晝唔算食好多，因為今晚又唸住食扒食飽d！間舖頭係酒店介紹叫 -Ostaria Pizzerla dei Cento Poveri。(我哋要話要好似 IL LATINI 差唔多，但少d遊客地道d！) 果然遊客係少d，又唔駛坐咁迫。不過唔知係唔係今日胃口差d，同埋唔夠瞓影響食慾呢？所以唔係好食得晒佢嗰 set，同埋感覺都係普通姐！
食飽有返d氣力，我哋就行返去喬凡尼洗禮堂 (Battisetero di
Sari Giovanni) 同大教堂 (Cattedrale di Santa Maria del
Fiore)！嘩！夜晚既感覺好唔同啊！一來佢唔係搵把大射燈射住嗰建築物，係由周圍既燈光，加上佢外牆本身既白色，令到眼前既建築物同朝早好似兩個世界
咁！再加上無朝早咁多遊客，好舒服、好正啊！之後行返名店既大街，黃色燈光又另一番景象，果然有d嘢唔可以睇一面，連風景都唔可以只係睇上午，夜晚會變得
更美！
