今日全程係 Florence市內行！唔知係唔係遲開有條路，酒店早餐都食唔到，不過無所謂，求其coffee shop hea 吓，行吓攰，又再抖吓！
我哋由酒店諾維拉聖母教堂原來好近！不過呢度真係開始勁多人。超多既遊客，如果對比我哋之前去既城市，呢度真係一團團旅行團咁行。仲要唔止係強國人，鬼佬
都有，真係好誇！跟住我哋就行去聖喬凡尼洗禮堂 (Battistero di Sari Giovanni) 同大教堂 (Cattedrale di
Santa Maria del Fiore)
嗰邊！呢度仲恐怖，真係好多好多人啊！我哋首先入咗去大教堂，無宗教信仰既我哋應該覺得無咩特別，只係覺得好大好大！
跟住我俾咗$6歐羅上咗去喬托的鐘樓 (Campanile di Giotto)！雖然四百幾級樓梯，不過唔算行得好辛苦！可能main point
永遠有人係前面開路，跟住d人又唔夠膽落，所以條路好順！四百幾級都未於要你一口氣上，中間有兩層可以停底，當然都有行一圈影吓相！再之後上到頂，望埋藍
天白雲，高高再上，又真係幾靚！
影完相落返嚟，就向咗維奇歐宮 (Palazzo Vecchio) 嗰邊行。之後就行咗出阿諾河河邊，當然最後就係經過維奇歐橋 (Ponte
Vecchio)
去到對岸啦！條橋之前睇相覺得好靚好特別，但嚟到望見既呢一刻，覺得不外如事！加上行埋條橋度，兩邊既金舖真係娘到爆！加上人又多，好快就過咗算啦！
之後再向前行，就係碧堤宮 (Palazzo Pitti)，唸住入去行吓，原來要俾錢，咁算啦！跟住想去返米開蘭基羅廣場 (Piazzale
Michelangelo)
睇日落！經人指點，原來係碧堤宮搭巴士，三四個站就到，不過落咗車就要行小小樓梯上去！上到去，都幾多人，大家都攞齊架生影靚相，我都係求奇埋去，攝吓位
影兩張相算！如果講睇返d相，好似夜景靚d lor！
影完相坐巴士返酒店抖抖之後，就去食晚飯！今日上咗去一個意大利人屋企食飯。真係感受到當地文化啦！首先飯枱係廚房入面，相信香港既家庭唔會做到，除非係
開放式廚房，都只係名義上，真正係地方太細姐！除咗廚房，煮食都好唔同。我哋今日既主菜係魚，首先係超市買既雪魚，係肚入面放檸檬同埋一d好似芫茜既物
體。跟住用d鹽埋住咗條魚。因為有四條魚關係，係用咗三包鹽先埋到(一包鹽既size
應該係一包大既家樂牌清雞湯，你話幾恐怖)。而蜆肉意粉，一開始煮d
蜆殼，又係加d鹽同埋芫茜，再落埋意粉煮，咁樣食就已經好好味！到底係海鹽or味之素嚟架？而我始終怕魚腥，所以最後都係食最安全既牛扒，不過未食到牛扒
其實已經飽啦！
呢個相信係我人生唯一一次會有咁既經歷，整件事我話咗俾幾個人聽，都應該無人相信我會咁做，我而家唸返都覺得不可思議！不過成件事最緊記應該旅行既 partner！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
