終於嚟到第12日啦！亦係今個旅行最後一個地方 - 意大利Florence！為免又再一次set 錯地點，噚晚預早攪定先啦！Set 好地點 - 由 Monterosso 到 Florence - The Mall，大約要2個多小時。我哋8點半起身，9點鐘食早餐。大約10點就出發。
今日我哋決定唔理個 GPS 話條路幾塞，我哋都決定照行高速公路。不過今日條路算幾順。我哋到 Florence 既第一站係 The Mall。嚟到歐洲終於可以購物啦！The Mall呢個 outlet 有Gucci, Burberry, Fendi, BV.... 最估唔到有 Prada。我哋12點幾差唔多1點既時間開始行，話咗3:45再會合，一齊退稅。
![]()
|
|
唔好以為有嘢執，其實係 Parda 排緊隊俾錢！
|
呢個area 超多強國人，大家都嚟shopping，就算唔係強國人，其他都係亞洲人，你話幾恐怖。我順著由頭一間間行去睇。去到第二間係Burberry，我真係有衝動買件乾濕褸，但可惜無 size，算慳返五千個大洋！跟住去咗一間賣McQueen 同 Stella Mccartney 既舖頭，終於買咗兩件衫。跟住繼續行，去到Gucci 最煩，因為要排隊，但我照排，入到去同去廣東道應該無分別，全院講國語！好快行返出嚟，最後停咗係 Balenciaga，再買咗兩件衫。原先好想係 Sergio Rossi 買對鞋，但發覺好d既款都無36號。唉！算啦！最後我去返 Parda，
頭先仲排隊，啱啱我行嚟唔駛！去銀包嗰櫃位同搶無分別，嗰 sales
又要人續個續個嚟！眼見到咩款就得嗰款同嗰隻色！真係好辛苦先搶到兩個銀包！最後加埋我細佬嗰銀包同幫 Sue
買既袋，四樣就算啦！我既戰利品就係得咁多，都有d失望！最後去排退稅，嗰d強國人既團友，兩個人排十個人既數，攪到我排咗成粒鐘先退到稅。成四點半先
走！
跟住我哋揸車出去 Florence市啦！市區真係唔同，可能5點幾又開始放工，勁多車、電單車同人。跟住嗰個GPS又唔知點解狂帶遊花園，明明無路，係要人右轉，唔知想點，最後靠智慧認住條路就算啦！攪到六點幾先搵到間酒店！
今晚住既係Hotel Aurora，間酒店本身係對住火車站，非常近，但佢俾既房，居然係唔知行咗去後面街，一幢住宅既頂樓，lift 又舊，幢樓又舊，最慘收唔到wifi，我住3晚架！簡直想死！我一定要係Trip Advisor 寫衰佢！我唸佢唯一既好處係泊到車，無啦！
我哋放底晒行李，就去食嘢啦！今日為咗買嘢，都無食過嘢！所以就決定去Sue介紹既
IL LATINI。呢間餐廳都幾多旅客光顧。佢d位迫到呢！完全與隔離位拍住坐，用同一張枱，同一籃麵包添！嚟到呢度，緊係食牛扒。多數都係兩個人share 一大塊，每塊大約1.3kg！除咗大牛扒，前菜仲有 Parma Ham。而牛扒仲有兩碟伴菜，當然包括薯仔啦！嗰 Parma Ham 就係係阿珍後面切，超好味！嗰牛扒嚟到啦！其實又未致於好好味，因為我相信美國牛好味過歐洲牛。但燒法係ok架！再加上好肚餓，基本上一陣間我哋兩個已經K.O. 咗佢啦！之後望住隔離兩個韓國妹，只係食咗一半，都不知幾咁想幫佢食埋！我哋仲叫咗嗰甜品添！不過我哋話留肚，要食雪糕！
離
開咗餐廳我哋經過頭先有問過路既舖頭。阿珍成日話要買本靚簿寫日記。所以就再入咗去睇D皮具。唔知係外國人太熱情，剩係阿珍太鬼婆。居然又要我哋坐低，又
請我哋飲Grappa，咁阿珍最後都有買到ipad 套、同簿。飲完三杯Grappa
後，唸住離開，問佢有邊度有雪糕食，居然佢帶我哋去，不過唔係行，係上車。佢首先車咗我哋去米
開蘭基羅廣場 (Piazzale Michelangelo)！睇咗Florence
既夜景。跟住就車返我哋係河既附近，食雪糕。除咗請我哋食雪糕，仲車埋我哋返酒店添！到底係外國人熱情，或是中國人太保守呢？但我唔可以講我唔係保守既
人，不過阿珍既表現的確嚇一嚇我！條友D酒量仲要咁差，一返到酒店就tan咗係張床。真係要再寫嗰服字俾佢。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
