0

歐洲之旅 - Day 11 - Cinque Terre

vi老篤日記 於 2012-10-25 15:50:14 發表  |  累積瀏覽 415

分類:海灘 長線旅遊 特色景點 ;地區:歐洲

 歐洲之旅 - Day 11 - Cinque Terre

噚日阿珍揸車太攰,加上行風景既地方,所以我哋決定今日分開行。8點半我就食早餐!望住藍天白雲加蔚藍海岸食早餐真係幾舒服!食完之後執埋今日既行裝我就 出發!原先想搵民宿車我落town,不過唔見咗嗰主人,其實落去都唔係好遠,行吓山我就最鍾意,所以我決定走落去。不過好低能,一開始都居然行錯路,行咗 唔少冤枉路,好在最後差唔多十點半既時候去到碼頭。

本身唸住行去碼頭影幾張相,點知原來就快有船嚟!我呢d遊客心態緊係即刻飛快上船啦!仲要一去就去到最遠嗰個,之後搭返火車返嚟啦!架船都坐到幾多人,先頭我都坐係船倉入面,但一開船我就出去啦!船倉又睇唔到景,坐係度唔知仲咩。

再講一次,今日天色真係好好,坐船都好舒服,唯一唔好係好迫,個個遊客都要影風景麻!

五個漁村(Cinque Terre), 其實每一個距離都好近,所以好快已經由我上船既 Monterosso 到 Vernazza,跟住經過山城 Corniglia 到第四個 Manarola,最後我係第五個漁村 Riomaggiore 落船。架船其實仲會去附近既島,不過我既目的係嚟呢五條村,其他算啦!

Riomaggiore 真係幾靚,落船影咗幾張,上高少少再影返落嚟更靚!一間間唔同顏色既小屋,近睇可能覺得舊,但影相既一刻,真係覺得色彩好豐富。我攞住份地圖,好想行去 Manarola,所以我沿住海岸既山路行,行咗一陣就見下面係火車站,嗰心唸無理由咁快架!果然仍然未離開第五個村。我係火車站問人,佢居然話行唔到, 無可能架,地圖話有,唔通覺得我唔似行山既人,哼!所以我就買飛去 Manarola。火車其實唔算好密,仲要超級多人。不過都幾方便,同我唸住係台灣去平溪、十分好似,每個站都上落下,但又要睇住d 火車時間。每個站又未致於超級好唔同,但又想落吓咁攞!

搭一個站落咗 Manarola,其實感覺已經差唔多,可能仲無之前嗰個咁靚!不過我都會照行照影相!同埋呢度有條路行去望住嗰海,一望無際又真係幾舒服,咁啱仲要有隻帆船行,同幅畫無分別!

好!又坐火車去 Corniglia,呢個城唔同啦!因為一出火車站就要行上山先!但係分咗兩批人,一班行斜路,一班行平路,算啦!我求其行咗斜路先。原來大家去既地點一 樣,只係行樓梯同斜路既分別,咁應該斜路開心d!上到去嗰山城,發覺有d路比較窄d,只係夠兩個人行。同埋呢個村比較細,同埋好似自己去咗嗰山到,同之前 兩個有少少唔同!行完之後,本來好想坐吓!不過食過沙律都要6,7蚊歐羅,又唔係餓,所以放棄!之後選擇落返樓梯去返火車站。

離開咗山城就到 Vernazza ,呢個好過之前兩個,起碼有個避風港既物體,同埋有d小艇係度。除咗影過港之外,我仲上咗個塔頂影相。不過 so cheap,居然咁都要收錢,突然覺得好大陸添!影完晒相,其實都係四點左右,約咗阿珍6點半買嘢,仲有大把時間,所以我決定係度坐吓飲杯嘢!不過一個人 太 Hea,又上唔到網,其實係唔知仲咩好,所以五點就走啦!最後返去Monterosso。

係 Monterosso 出火車站都幾陌生,因為唔似噚晚同今朝經過既地方既!一出嚟係望海既大沙灘,岸邊仲有好多酒店民宿。係沙灘行咗一轉,之後通返條車路,到返今朝上船既地 方。再行就係返噚日食飯附近既店舖睇吓!本身我好想買五條村既畫作手信,但發覺一d都唔平,又好似無乜用,要好識欣賞或者嚟過先感受到!所以最後都係買返 d實用既嘢算啦!雖然我知你哋收到未必會知嗰個地區既美麗,不過總算係有用既磁石貼!

之後見到阿珍就一齊買芝士、cold cut 返去享用!今日都算早,7點半就返到酒店!我哋除咗食正餐,我仲第一次食雪茄,雖然平日既我唔食煙姐!但雪茄好明顯唔同,同埋我係一個Cheap 人,唔駛錢既貴嘢一定要試啦!但我最估唔到原來食一枝要食好耐。如果一個人食都幾有排食!

最後係民宿都唔係好上到網,但反而 ipad ok!咁啱就睇到南丫島則新聞,雖然只係勉強睇到蘋果講,夜晚係呢d情況睇到真係心酸。好在今日行到攰,如果唔係我實瞓唔著姐!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:歐洲
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209432

全部攻略 323

全部回應 5