0

歐洲之旅 - Day 10 - South Franch to Cinqueterre

vi老篤日記 於 2012-10-24 15:51:34 發表  |  累積瀏覽 584

分類:長線旅遊 ;地區:歐洲

 歐洲之旅 - Day 10 - South Franch to Cinqueterre

今日雖然無之前兩日咁遲起身,但攪攪吓又成十二點先出發。我要求揸車去一去噚日食飯既地方,因為我想睇吓嗰山城到底係乜東東!原來係一個城牆,入面真係有d屋同店舖。好可惜今次真係無時間睇,同埋天工亦不做美,落緊雨好難行,我部相機影兩張相都濕咗啦!

離開咗Saint-Paul,今日要開始我哋漫長既車程。因為我哋離開法國,揸車落意大利啦!意大利既第一站我哋係去 -五漁村 (Cinqueterre)。原先我係Google Map 係話要3個幾小時,但唔知點解set GPS時要差唔多四小時,咁有時可能公路問題,所以不以為意。就係咁開始我哋今日辛苦既車程!

我 哋由Saint-Paul 揸車,跟住就上高速公路!天色真係唔係幾好,間中仲好大雨添!係高速公路一路行過咗好多個城市,例如尼斯,仲有摩納哥,之後不知不覺就見到意大利嗰牌,唔 係阿珍提我,我應該miss 咗lu!揸咗兩個幾鐘之後,我哋就係公路既休息站停低,同埋食午餐。除咗我哋食,架車都要食,估唔到佢貴我哋咁多,食咗我哋90蚊歐羅!

入完油仲有一半路程,我哋跟住GPS走,唔知幾時出咗公路,仲要行埋一條山路添!條山路又窄又大霧,仲要勁轉彎,都唔知想點!見到有d彎位仲有墓碑,我d 膽小鬼又驚啦!好辛苦咁上到山,行到去一個Town 仔,見到有超市之類既嘢!再行上山好似唔多對路!我哋停低再set過嗰 GPS,居然話要七點幾先到!吓!嚇死咗!之後企圖去問吓人,不過答案好似一樣!所以最後都係跟住嗰GPS 再走!

行錯既路偏偏係勁似秋明山既路,即係再嚟一個個急彎!阿珍係咁揸,都知佢忟憎,係呢刻我當然都唔敢出聲,成架車死寂咁!去到六點幾開始天黑,之後既路仲完 全無街燈,靠車頭燈照明。但最後總算好好彩,真係搵到間民宿,不過我知阿珍超辛苦架啦!揸咗7個鐘頭車,真係超級感激佢!

去到民宿,好好有人幫我哋攞d行李入房,之後15分鐘,仲車我哋落去市集食嘢添!(當然後來先知要計錢啦!) 我哋搵咗一間食海鮮既地方,入面同出面都坐咗好多人,我哋點咗嗰意粉同埋燒蝦食。嗰意粉真係好好味,唔知係唔係因為去咗意大利關係呢?燒蝦就普通啦!咁內 疚既我,呢餐當然唔駛阿珍俾啦!不過點都補唔返!

兩個鐘頭後,民宿既車又車返我哋返去!呢間民宿其實真係幾鄉下,連電視都無,不過無所謂,反正我哋咁多日都無開過!但最不幸佢話噚日落大雨,所以網絡好差,收唔到wifi。算啦!呢刻咁攰,大家早d 休息吧!

今日真係一次難忘既經歷。無唸過會係架車咁耐。到而家我都唔明點解會搵錯地點。(係打完呢篇blog之後,我終於知道原因,重睇Google Map,原來打Cinqueterre 就會上咗山,但真係去五漁村,應該打Cinque Terre,中間欠一個space 會差咁遠!或者最安全計,直打條村名會好d lor!) 同埋係呢刻我發覺阿珍既脾氣真係好好,雖然佢嗰d好忟同埋以前成日反眼既表情會好易發出嚟,但係佢又真係忍得口唔會出聲,當然佢出咗聲我都唔知點算好啦! 唔通互相開火咩!但真係好勁,服咗你!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/









鐘意SeeWide的分享,給我們一個Like吧!
  • 攻略日期:N/A
    攻略地點:歐洲
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209402

全部攻略 323

全部回應 5