噚晚係民宿瞓，以為六間房都無人，成間大屋我哋兩個霸佔，點知成點鐘有人返，膽少既我都幾驚，咁夜有車入嚟！不過我係嗰D有人又驚無人更驚既人！算啦！咩都驚一餐就係我啦！
朝早又成十點起身，其實我應該俾阿珍攪到夜夜都唔瞓，所以好遲起身嗰D。朝早起身煮杯麵，阿珍就唸住煎蛋，點知隻蛋俾人食咗！噚晚唸住自已霸咗間屋無理，所以無攞D嘢入房，點知奶嘢！佢唯有食個麵包啦！
![]()
十二點出發，我哋揸車落康城(Cannes)，大約個幾鐘落到康城。天色好好，藍天白雲下，係度行街好舒服。
阿珍都無食過早餐咁滯，所以我哋決定食嘢先！原先搵咗間又係食pizza，點知死要我哋行咗去正門再坐返露天既位，真係煩，嬲得滯唔係度食，亦係咁行到街
口，搵到間食海鮮，good
ar！咁多日，今日咁近海，應該食海鮮！我哋叫咗個68歐羅既海鮮拼盤，佢話for兩個人食，嚟到都真係幾嚇人，每人可以食到8至9隻蠔，仲有半隻蟹，好
多蝦，及其他貝殼類海產。最後我哋只係食剩咗D細蝦同埋細螺，點知都俾佢話添！
食完行咗上山，去咗城堡博物館，不過我哋無入去，只係由高處睇返康城既景色!之後我哋落返大街，不過兩邊舖頭都無開門，唔知係唔係星期日關係。係歐洲生活真係好，星期日大家一齊放假，香港人真係辛苦既一群。
唯一有開既舖頭係zara。阿珍都睇咗幾耐，仲買褲即著。真係要俾個服字佢！之後，我哋去咗海邊大街行吓！條路好闊，藍天白雲，好舒服既感覺！太口渴既關係，我哋坐底間餐廳飲杯嘢！仲要大家都好想飲可樂，但斷估無唸過，一枝大可樂係6蚊歐羅，呢世都記得！
之後攞車跟住揸車去Saint-Paul我哋住宿既地方。不過先頭唸住半個鐘車程，但攪攪吓都係好耐。只可以講歐洲既GPS都係差少少，有時會慢咗D，攪到轉彎慢咗行遠咗。搵到酒店之後，入咗房，雖然窄D，但感覺好好。因為有一個花園仔，放咗枱同椅，今日仲要係中秋節，你話咁既環境幾正！
不過我哋無買嘢返嚟食! 因為係康城見唔到超市。所以問咗酒店既人，知道搵食要去Saint-Paul 山城口。所以我哋揸車過去。原先見到間Fine
dining，不過好似有排食，唔知要食幾多道菜，但另一間美式吧既物體已經關門。所以最後都入咗去！其實問心我都幾餓，雖然下晝3點先食過咁豐富既海
鮮，但海鮮原來唔會令我有飽既感覺！所以最後我仲點咗牛扒!果真無扒不歡。間餐廳既環境同埋食物真係一流，仲要牛扒同雞，都會係上菜前係你面前幫你切，唔
駛自己切咁大動作。又再感覺到好滿足！渡過一個愉快既中秋節！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
