![]()
今日唔算好早起身，不過二樓實在太近街，好嘈吓！6點幾鐘聽到係到倒垃圾，嗰d玻璃樽聲真係嘈到醒晒！我等佢倒完先可以再瞓過啦！起咗身唸住去食早餐，落咗去樓下點知攞咗枱先發覺今日早餐係唔包，成舊水食過早餐，又唔係多嘢揀，真係唔開心。
![]()
食完嘢我哋就係附近行啦！話晒Aix en Provence（艾克斯 普羅旺斯）都
算南法既大城市，所以條街都好似闊落d。由酒店一出嚟就係米哈博林蔭大道 (Cours
Mirabeau)，一路行其實無攞住地圖，見到有咩特色有咩店舖就向前行啦！行行吓就去咗一個市集既地方，市場唔係好大，而且以濕貨為主，不過就算係街
市，唔知點解外國既街市都係唔同d，點都好似清潔d！
離開街市轉投一條小巷，之後又出返大街。大街當然唔想再行啦！所以又轉入一條小街。跟住仲見到有人街頭表演添！不過同時間天氣開始差，行多一陣開始好大雨啦！大雨到頂唔順要係間吧暫避。攪到中午又嚟啤一啤，唔肥就假啦！
不過真係好大雨，好似坐咗好耐，等到叫做細雨D，就行去附近搵食！最後坐咗係隔離間舖頭，但又係食pizza 既粅體，但pizza總好過pasta，食完我哋就返酒店攞埋D行李，揸車去我哋今晚住既酒莊民宿 ﹣Abbaye Saint Hilaire。
我唸揸咗個幾鐘，仲要行咗幾次，最後都要搵電話既GPS幫手，先可以搵到間酒莊。雖然地方遠一點，但係嗰場駛唔駛咁大呢！我哋攞咗鎖鑰，佢簡介埋洗衣房既
位置先驚，係要1km，要揸車先到啊！攞咗房，見到屋內有個廚房，跟住先再去行到我哋間房，間房幾大，都好舒服。不過唔知係唔係主人始終係台灣人，覺得好
有台灣民宿feel。但最正點解女主人咁勁，可以由台灣嫁到去南法呢？羡慕死!
民宿有指示我哋去超市，大約揸車都要15分鐘先到。但好大間既家樂褔物體。原先唸住又係芝士，cold cut 作為晚餐！點知一入去，阿珍就話煮牛扒，我話我食，但我唔做架，我係d飯來張口既朋友，唔會旭手架！所以我哋買咗西蘭花、三色椒、湯、牛扒，作為我哋既晩餐！
返到民宿，首先珍車咗我去洗衣房先，跟住佢就係民宿煮嘢食啦！等洗衫既其間，係度聽住五月天，跟住仲寫blog，你話幾似係台灣呢？
![]()
洗完衫再乾埋d衫都唔駛一個鐘，不過佢部乾衣機其實唔係好乾，所以我見有時間咪燙埋D衫，當堂感覺今日好住家添！燙咗一半左右，珍就嚟啦！返到民宿佢就再煮食，我咪掛好D衫再吹乾吓lor！之後就等食!
終於豐富既晚餐攪掂啦！真係要講感到好榮幸，試到阿珍既手藝！今晚最遺憾應該係唔知點解搵唔到開瓶器，攪到我哋兩支酒都開唔到！美中不足！
PS. 人生未試過咁樣一齊洗衫，你話我潔癖怪都係咁話。呢一生真係緊記。最後連無再著過嗰D，一次過返屋企都洗過晒！真係超級頂唔順。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
