今朝瞓到幾晏，好似成十點鐘先起身，攪完一輪，啱啱好趕得切食水尾既早餐。早餐又有美味既芝士。我唸芝士我食極都唔厭。食完又係古堡度影吓相，最衰唔可以好似佢website咁，上天台影落嚟啦！
影完相我哋出發，第一站係
嘉德水道橋 (Port du Gard)，呢個應該係南法既標誌，唔可以唔去啦！一個鐘既車程，嚟度條橋行吓，其實唔係好知佢有咩咁值得驕傲既事跡，只係知世界遺產同埋古羅馬建築物。我對於古羅馬既認識真係好少，讀歷史都係由世界大戰開始，總知到此一遊啦！
![]()
遊咗大約一個鐘，我哋又起程去下一個景點。我哋去咗尼姆 (Nimes)。又係古羅馬建築群！我哋去咗圓
形競技場。入到去，點解咁舊，舊既大球場咩，鬥牛既地方唔知點解有幾個鐵架，嗰場又覺得好細，真係好舊咁！係入面行，又好似行嚟行去咁。由於d樓級太大
級，我行行吓都同維珍分開行。我最後去到最高既觀眾席影咗兩張相。不過我好肯定睇相真係覺得好宏偉，但係親到就把幾火。行完唸住搵返阿珍，點知佢唔見咗，
最後唸住係門口等，亦嘗試打電話同send message
找佢，點知都係唔work，最後用到回撥先可以搵到，原來佢出咗去嘆茶。因為浪費咗半個鐘既時間，所以最後都無去到方型神殿就走咗啦！
其實今日既行程攪到有d趕，已經四點幾，我哋而家先去聖雷米德‧普羅旺斯 (St.Remy De Provence)，但唔理我真係好想睇吓梵谷創作靈感既地方。一小時既車程，去到完全唔知點行，只係咁啱泊車既空地就見到佢其中一幅畫啦！唸住向最多人既市集就會係啦！點知行晒都搵唔到d景點。行咗成個鐘，天又開始黑，又要揸返成個鐘頭車先出得去，都係算啦！
![]()
|
|
好想影到呢張相架麻，仲有佢其他作畫既地方！
|
後來細睇地圖，其實應該泊車既地返向山上行，就會搵到佢作畫既地方，最想睇到既聖雷米山 La nuit étoilée 睇唔到lu!
估唔到最想去既地方去唔到，令到我覺得有d遺憾。如果而家俾我揀過，我應該唔會去Nimes，一嚟就直接行呢個小鎮，尋找梵谷的腳印。
離開聖雷米山，我哋就揸車去到艾克斯‧普羅旺斯 (Aix en Provence)。搵到間酒店，係正市中心，不過居然無車位，撞啱今日星期五，周圍d位又full，所以好煩咁泊咗係附近，攞晒d行李入酒店，我就去Check-in，珍就搵停車場泊車。
攪
完一輪，終於上房，因為住二樓，同埋對住大街都幾嘈吓！抖咗一陣我哋就去搵食啦！不過其實都無去搵，一來夜、二來餓、三來酒店門口間餐廳好似好good，
都好多本地人用饍，應該唔錯。我哋坐底決定食Steak，兩條友成日都要食肉。跟住我叫咗嗰魚湯添！但最正叫完嘢，等食其間見到隔離嗰Tartare又好想食，真係好靚！不過眼闊肚窄，飲完嗰魚湯，再食埋嗰 Steak，真係好飽，唔可以再試，但阿珍勁，可以再嚟一個甜品！今日呢round 輸咗！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
