27 Dec
襯有時間空檔拿拿聲寫BLOG先
![]( "(big grin)")
基本上放四日假 , 日日都好唔得閒 , 安排到D野密麻麻, 密到唔想做
![]( "(at wits' end)")
因為開始為屋企裝修做準備, 唔可以話開始, 其實已經進行中,
不過一切黎得太急, 有D適應唔到, 原來裝修咁多野煩 。。。
好想快D完成佢。。。呵呵 可以安安樂樂咁HEA喇 !
一早就想食樂園 。。。 Billy仔好順德人喎 ! 竟然話好 ! 太好喇 ! 因為Billy仔好煩, 一時唔食呢樣一時唔食果樣 ! (其實我都係, 呵呵呵)
推介大家去食呢度既雪菜米, 好好味 ! 再加一杯奶茶紅豆冰 , perfect match !!!!! ( 連唔飲奶茶既我都覺得好好飲 )
![]()
貪食既[我們] , 叫多個沙嗲牛西多士 ! 無錯 !!! 仲要係好好好好好味 !!!
當我post上facebook之後, 四方八面既使者就話我喇 !
「美詩...你仲食呀」「 311殺到黎喇SIS」哈哈 的確的d朋友仲緊張過我 ! 係我錯 ! 我2012開始認真mode架喇 ! 一唸起要著婚紗即刻想嘔 ! 真係驚到嘔 !
不過我都係極推介大家去九龍城樂園度食沙嗲牛西多士 ! 哈哈
![]()
食飽飽就走人喇 ! 走人期間發生左件窩心小插曲 。。。
話說我前排係rabbit買左d megasales 既鞋 , 不過唔岩size, 而且好[夾]腳
但我緊持著出街, 結果我食完野之後, 就痛到眼水都標
Billy仔竟然好細心地去買膠布幫我貼 。。。
原本我就自己貼既, 可能覺得我豬到連膠布都唔識貼
幫我貼埋, 個下真係幾lum架 ! 因為真係第第第一次幫我貼膠布 !
都話女人好易氹架啦 ! 哈哈哈 i love u
