0

歐洲之旅 - Day 2 - 瑞士 - Bern

vi老篤日記 於 2012-09-30 16:01:17 發表  |  累積瀏覽 386

分類:長線旅遊 特色景點

 歐洲之旅 - Day 2 - 瑞士 - Bern

今日係返Bern市內遊,大約11點半去咗火車站問定D資料先。跟住就開始今日行程。星期日街上都唔係好多人,原來啲舖頭無開門,成條街只係間中有D巴士同遊客行走。雖然 唔可以行商店,但影相就一流。條街咁少人,加上兩旁既建築物都咁舊式,真係好好既享受。仲要今日天氣好好再唔係落雨!雨天既夜景 ﹣浪漫到爆!而日頭既藍天 ﹣充滿活力!

我哋沿大街,一路行到去熊公園,途中經過鐘樓、愛恩斯坦故居, 不過故居維修無得入。去到熊公園,其實係好細既範圍,但就有四隻熊係度。咁啱我落到去,佢哋仲聚埋一齊。又近又齊,影相GOOD 晒!

去完熊公園,我哋就上山去玫瑰公園,條上山路其實都唔係好長,不過太陽曬住有D熱。上到去其實有D普通,公園一個,有唔同既市民係草地玩,影吓相咁。香港既香港公園、九龍公園、廸欣湖靚好多、大好多。不過係度望返Bern 既古城區,又的確唔錯。

影完相,我哋落返古城區,但行咗另一條大街,我哋一路行,去到大教堂既地方,殺咗我唔少memory,之後我哋出返街搵間coffee shop 飲咗咖啡先!hea 咗大半個鐘,再行另一條大街,去到市政廳等地方,成個town 都行晒㕸! 最後最後,我哋過咗橋,去咗博物館既地方,今日星期日難得有開,講Bern歷史既地方就開住俾人參觀,但係無咩睇,可能歷史唔係咁耐麻。而愛恩斯坦展覽就 要俾成 SFR 18 = 港幣$150, 咁貴緊係唔入啦! 再係出面行吓街影吓相算啦! 過返橋行返大街,五點幾既時間,我哋搵食算啦! 嚟咗兩日,生活真係有定侓,早睡早起早食飯。跟旅遊書既食肆居然唔開門,星期日都唔駛開門,爽爆!唯有去返噚日係市集,今日變返廣場既地方食飯啦! 我哋最後揀咗間意大利既餐廳,其實我哋兩個都好想食steak 架! 不過就真係無選擇,所以算啦pizza la! 係廣場既空地坐,望住周圍既人,其實都幾 relax!唯一唔好就係今日係市區行都見到幾多強國人啦! 估唔到咁勁,真係攻佔每一個地方。 食完之後就慢慢行返酒店,估唔到去旅行咁早返酒店,我好少會係咁,不過聽日早起,早D休息都係好既!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:1日以上
    是次消費:N/A
0人比"掂"

最多能輸入300字

累積瀏覽 209385

全部攻略 323

全部回應 5