夜晚坐飛機去荷蘭,機程12小時,估唔到全程煲咗一套電影,跟住都係睡夢中渡過。所以都覺得好快就落機。零晨4點幾到阿姆斯特丹,機場既舖頭大部份都有
開。而見到我唔like既miffy,都居然有衝動買,不過full
喼去,真係可以製造壓力。等機到7點,再轉機到目的地蘇黎世。出蘇黎世機場超簡單,同搭火車無分別。原來係荷蘭已經當入境。
一出機場轉塔火車到柏恩。估唔到不太明佢D月台位置,所以去錯咗月台等。最後推住行李上上落落,不過都無叫搭錯車同miss
咗火車。大約坐咗一個小時多D,終於到啦!但一出火車站就落雨,問咗火車站既旅遊中心,知道酒店同火車站距離只係五分鐘路程,所以冒雨都去到酒店。早咗到
酒店check-in,放底晒行李,出去食吓嘢行吓街。我哋唔算有胃口食飯,所以只係搵咗附近既咖啡店飲咗杯咖啡。之後行咗去Waisenhus.
Pl.
因為呢度今日有個市集,去到見到既嘢都有D嚇一嚇。因為同廟街無分別。不過再行前就見到濕貨,但以黑松露為主,不過超貴,一小塊餅乾都要成港紙200。
睇完之後,我哋係大街行咗一陣,就搭巴士到Gurenbahn 古爾騰山。搭巴士都幾特別,似香港輕鐵,係車站買飛上車,不過就無人查。我哋仲因為掛住影相,miss 咗嗰站添!好彩總站同落車嗰站唔係好遠,行返落去都OK。
去古爾騰山原先唸住睇日落,但今日落雨又大霧咁,應該睇唔到,不過都編排咗既景點,點都去吓啦!搭纜車上山,上到去仲大霧,咩都睇唔到咁,行咗一陣,跟住上咗去嗰塔到,呢度應該係睇日落,同居高臨下咁望住柏恩市。但大霧令咩都睇唔到,影相都失色d。
我係唸住係山上食埋飯,所以由4點半等到5點半先有得食。因此同阿珍兩條友無聊到係度狂影低能相。最後5點半入餐廳。不過窗口位要一星期前book,所以
只好坐其他位。話晒都係第一餐,要食好D,飲支酒同食飽D先。食到8點幾,我哋再上多次嗰塔,但都係好大霧,無辦法睇到夜景同影到相。最後搭返纜車走人
啦!
不過我哋跟住去返火車站既舊城區,因為我曾經見過D人影夜晚好靚,所以點都要影D靚相。無落雨加上地濕濕,效果唔錯,第一日既行程就咁完結啦!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/