浪茄至西灣

今日第一次同毅行者隊伍一齊練習，雖然今年唔參加，不過都想行吓山。未試過係9月份烈日當空既時間起行，今日都算係一個挑戰自己既行動！十點半搭的士入東 壩，居然係的士見到Perry 同 David 行緊去東壩，好勁啊！我哋就11點係東壩開始。佢哋有walkie talkie，之前俾咗我，所以我同wendy 應該行得慢，所以我哋就行先。我今次預備中暑既武器就係遮。上星期執膠全程用遮，的確曬住都無問題，但行山唔知o 唔ok呢。一開始起行去浪茄，當然輕宜易舉，但由浪茄行上西灣山，真係想死！都唔知幾辛苦，11點50分先行到去半山嗰亭，佢哋5分鐘後嚟到。前後我抖咗 成半個鐘先再起行。我同wendy 仲要等佢哋行先，費時俾壓力自己。

簡直係攞最後一啖氣去影既

繼續行上山，真係好辛苦，今日用遮無頭痛，但心口勁辛苦，呢d都似係中暑跡象，再加上寶礦力唔上唔落。行行吓都係嘔埋出嚟！寶礦力真係我黑星。

以龜速行到去西灣亭，真係好想死！估唔到坐咗一陣，又見到Perry & David，好驚啊！佢哋行得好快啊！無耐，Jonah 去哋行先，Perry 都出發，我哋先行，但估唔到落山都咁遠。我同wendy 都行到好鼓譟，點解咁遠咁辛苦。我哋去到大風坳又要再抖一抖先可以落埋去西灣。連落去西灣條路我哋都覺得好漫長。

落到去，見到佢哋三個未走，我哋已經話唔駛等我哋！我又好死咁狂飲咗水後，要瞓瞓。因為唔知點解覺得好眼瞓，我都要check 吓中暑既其中一個徵狀係唔係好眼瞓先。抖咗一陣，佢哋離開再戰鹹田，我同wendy 決定出西灣亭走啦！我今日既表演令我完全唸起Lucy 姐第一次行呢條路，最後又係係西灣離開。不過我都估唔到短短一年，身體狀態差咗咁多，真係要練習返吓先得。

出西灣條路，我哋兩條友都話點解行極都未到，行到我哋想死！再加上頭先飲水太多，d汗係咁滴，覺得嗰身好多嘢蒸發緊。睇嚟咁辛苦既練習我哋都係唔好去，做support 算啦！下次去吓大東山、鳯凰山影日出算啦！