Halo ! 我又黎blog下喇 !
最近做左好多野, 每件慢慢blog
一連放左幾日假
星期日約埋一家人可以北上購物! 我之前做左好多research去邊間買最抵, 都有好多新娘子係唔同地方入貨, 不過總有一兩間特別多人既! 我地今次係落馬洲入境, 蠢左! 應該要係羅湖入境! 因為近d, 同埋的士都抵d啦 !!! 雖然我唔記得幾錢的士喇 ! 好似三十幾啦 ! 一行五人要分兩架
![]( "(crying)")
貴左! 好唔抵!! 師奶格出哂黎 ! 哈哈哈
荀崗地址：深圳寶安北路２號近帝豪酒店旁
坐的士係帝豪落車, 面對酒店既右手邊就係荀崗文具批發城 , 真係幾大下 ! 正正就係行過去既第一棟就會搵到今次既目的地 - 立興 , 其實我都行左轉先搵到, 好彩搵到, 因為又帶住爸爸媽媽比較不方便 ! 一入到門口靠左邊行前少少就係立興。 希望幫到大家 ! 一去到老闆娘同我阿媽好好傾, 四萬咁口, 原因我都唔知點解 ? maybe有眼緣, 因為人超多, 老闆娘好好咁招呼我地去另一邊較大同埋靜d又多款d既鋪 。 都係佢既伙記阿DEE帶路 , 行左一陣就到, 近藝術城個邊的。
的確舒服好多, 夠地方又有位俾未來99坐
![]( "(winking)")
一入到去同媽咪二話不說就揀利是封 ! 好興奮咁講買咩款 ? 哈哈 買左好多!! 不過我地竟然都有意見分歧 , 就係揀囍字貼 , 我要簡單, 我阿媽要誇張 ! 超搞笑, 揀到我阿爸同BILLY都無眼睇 , 坐埋一邊由我地揀到夠
![]( "(tongue)")
![]()
子孫筒我阿媽要買呢款, 幸好我未來99話唔使咁誇張 , 真係好搞笑, 不過又幾傳統可愛 ! 最後阿爸支持下買左個迷你版, 仲要我阿爸都要一套, 佢話好靚放係屋企做擺設
![]( "(big grin)")
好可愛既爸爸, 買子孫筒做擺設都第一次聽 ! 哈哈
![]()
未來兩老襯 ! 辛苦哂你地
![]( "(kiss)")
媽媽最叻講價, 爸爸就打完場 , 簡直係完美的組合 ! 哈哈
![]()
無咩人我地都慢慢揀左成個半鍾, 哈哈 應該無買留野呱 ? 走既時候我見到好多Christmas既擺設! 好想瘋狂地買, 又怕拎咁多野, 最後只係買左少少野 ! 我見到d 閃閃波好靚好開心咁跳去睇, 爸爸立即走過黎話幫我俾錢, 叫我鍾意咩款就揀, 因為我無人仔係身, 感覺好似返去小時候, 爸爸帶我去買玩具買糖時候既感覺好似 ! 好似無助的小女孩等爸爸俾錢個種既貼心又開心既感覺 ! 係任何人都俾唔到呢種感覺我 , 真係好warm
![]( "(kiss)")
i love u 爸爸
![]()
之後行程就豐富喇 ! 去食川菜 + 按摩, 真係非常舒服, 今天大家都辛苦地陪我黎 ! 最後輕一輕開心哂 !
荀崗戰利品
![]( "(thumbs up)")
![]()
最鍾意d利是封, 粉紅色^ ^ , 仲有啤牌都買埋, 哈哈 因為好平 ! 拖鞋就買囍字款, 另有老公老婆款, 好欣賞對跪墊, 試跪過好舒服! 哈哈 衣食碗只有紅色, 我想買金色款, 可惜無咧 ! 什麼用品都應該齊喇 ! 全部都係紅色 , 好喜慶既感覺 !
![]()
感謝 仙蒂小溫太 提供以上資料
個人日誌: http://cindylittlemrswan.blogspot.hk/
