今個月第三個演唱會係睇鄭伊健。上一年有人請我睇，覺得估唔到咁好睇，因為唔需要溫書D歌都會識。所以今年有人叫我睇，完全唔需要考慮。
未開場，嗰螢光幕已經好似行雷閃電咁，再加埋D風聲，感覺好似一出嚟要唱風雲咁！不過我已經唔記得佢唱咩歌作開頭。但可以好肯定，開頭嗰part全快歌。唱快歌唔緊要，但攪到佢自己好吃力咁。問心唱得好差，走音都幾勁，或者唔啱拍子，仲有當然唔記得歌詞啦！
第二part 好d啦！因為係慢歌，仲要係一聽音樂會識得唱嗰d
，所以好高興咁繼續睇啦！仲要佢換完衫上嚟前，播咗志明與春嬌嗰段，後面仲有楊千嬅既錄音，
話伊健唔好等佢，佢結咗婚有好幸福家庭，螢光幕係播緊佢與丁生一家三口既相。之後佢繼續講，蒙住眼搵，掉開眼罩YO一聲。超低能添！當然全場大笑啦！
另外都幾估唔到，唔知點解d
聽眾咁興奮，聽得鄭伊健都有三字頭啦！點解仲咁熱情架！而且佢都連續三年開啦！應該咩熱情都冷卻，仲咁high。最正係坐我哋前面嗰位，唔知點解我次次都
遇著d咁熱情既人坐係我前面。差唔多每次鄭伊健行嚟，佢都撲咗出前面要握手，最正佢唔係坐係路口位，前面有五個人照行。但睇到佢興��既樣，佢應該次次都
握到手返位。
而唱「只會因你唱」時，佢話每次唱呢隻歌都會唸起八仙嶺救人既老師，雖然歌詞好係唔關事，但就有咁既感覺。我心唸，其實我都有，我每次聽到鄭秀文既 X派對都會唸起嘉利大廈，因為嗰時聽到呢側新聞就好驚，即刻攞隻碟聽！
第三part 又係D快歌，但件衫好核突，唔知想點！但呢part 真係唱風雲，仲有全城效應。但佢d舞真係好嚇人。最正ceci 嗰 frd 話我哋兩個點解睇得咁high、咁開心，其實係我哋不停彈呢彈路，之後狂笑，我都突然間真係覺得自己都幾賤！
未到10點9就encore，encore 完出嚟就有林曉峰同錢嘉樂，兩個勁講結婚，幾時到鄭伊健，不過咁樣局都無求婚同結婚畫面，真係失望！唱多一陣，十一點左右就完，唔算好睇！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
