執膠行動 - 南丫島

佢哋 whatsapp 我，話要我趕1:50分去索罟灣既船，但就係差少少，我兩點先到中環碼頭。最後我搭咗加班既榕樹灣船去南丫島。上次去南丫島已經係幾年前既事，係同Cherry & Carol，估唔到咁近既島嶼都係咁少嚟！

因 為時間太趕，我無停步去睇周圍既舖頭，一味向前行。行到天后廟發覺無路，亦無指示去索罟灣，唔知點算既時候有班人就行入民居，走上山路，最後見到一條大車 路，我都仲好驚，因為唔似以前行過，好在落到去見到好多人，仲有指示牌去洪聖爺灣。呢度終於再次又有人氣。好快行到海灘，都有幾多人游水。之後就上山啦！ 雖然山唔係好高，不過我唸我未試過三十度，仲要最曬既時間行，所以我最後決定攞遮，樣衰都算，唔好黑，唔好頭痛最緊要。都幾快就上到亭，再之後就落索罟 灣。但係實際同佢指示既時間差唔多。落咗山，見到類似天后廟，有個指示牌去石排灣。於是又再上山，不過呢條路無人行，我一個人行頭先嗰段都覺得好孤單，再 行呢段直頭驚！驚之後係更驚，因為上咗一輪梯級就係墓地，玩嘢咩，要我一個人行，不過如果佢哋話咗俾我知，我應該唔會行，會選擇走！行好快咁避過晒之後， 再一路上山，呢條路都算多樹蔭，加上唔係對住太陽，所以好好多，我都無用遮啦！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/