成個7月都無去睇演唱會，証明幾咁淡靜！今日終於開始8月第一個演唱會 -
「蘇永康弦愛交響夜」！今次嗰show係伊館攪！已經唔係第一次係度睇管弦樂，次次睇完都鬧爆，因為音響實在太差。今次其實都唔例外，不過好在有歌手唱，
點都同聽古典歌唔同，伊館既唯一好處係細，變得同歌手很近，會易d enjoy
係嗰show！當然睇咁多次最正何韻詩。再者今次再搭業餘管弦樂團，業餘既真係差好多，同中樂團或者香港管弦樂團真係有d對比！但幾本上蘇永康真係有d
根底，速度節奏都可以配合到！算唔錯！
講返唱既歌，當然唱返佢好多舊歌啦！而我知道會睇，呢期每朝起身都會想唱讓愛暖一些。同埋佢d歌不停係腦海 loop
lor！都算等咗好耐等到今晚睇！當然舊歌嗰part
唔會失望！到嘉賓，第一個係鄭嘉嘉，當係帶新人出場，不過佢唱得幾好，攪到我都想留意佢既新碟。佢唱完仲留係台做和唱添！第二個係謝安琪，佢嗰樣唔知點解
好似變咗樣咁，我覺得好似攪到薛凱琪咁！再加上佢要唱來夜方長，之前係聽蘇永康同陳潔儀唱，即刻覺得佢唱得好差啊！跟住就算唱自己既飲歌 -
囍帖街，都係普通姐！
同平時d伊館show一樣，有中場休息，之後蘇永康講咗好耐台灣戒毒，呢度講咗好耐，有d悶!
第三個嘉賓係梁漢文，佢著咗件超古怪既西裝，再加一條闊釣腳褲，好似著作大隻佬件肌肉衫咁!
蘇永康唱咗梁漢文既纏綿遊戲，而佢自己再唱多首七友。最後一part,
佢話舊年輸俾一套電影同電視劇。所以跟住唱那些年，唔知係唔係太唔熟，d音樂錯晒咁，蘇永康自己又睇住歌詞唱！簡直係成晚最差既歌！之後就唱電視劇啦!
當然係天與地 - 年少無知，仲有林保怡同佢一齊唱。估唔到既壓軸嘉賓！佢再唱咗首英文歌添! 咁2011
年最後一首歌當然係那誰啦！點少得！唱完就encore，不過可能over咗好多時間，都未開始叫，佢已經出返嚟，唱多首失眠就完show
la！整體都算唔錯！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
