有車去到新馬路, 再轉的士到十月初五街
無錯！！又係榮暉呀！
哈哈 澳門的老地方
每次必到！例牌又係雞湯米、魚湯米、雞扒芝士包
今次帶埋D包返去公司 , 同事們食完都話下次去食
同埋好抵，先$14一個！
食飽飽就坐船返香港嚕！
![]()
其實整個行程好HEA，不過我真係覺得好開心呀！
可能因為好輕鬆啦！
都係飲飲食食，訓下酒店，仲要係酒店上下網咁爽！
真係好RELAX呀 !
好多謝BILLY陪我癲 !
玩一晚第二日返工，哈哈！
同埋秋天好有拍拖FEEL，感覺只要兩個人係埋一齊咩都變得唔重要！
哈哈哈 實在太開心
．．．．．．．
笑料一則
話說坐船返香港之際，沿途遇到大浪，
架船勁勁勁勁拋
真係拋到我訓都訓唔到
連B仔都問我有無酸野食，
唸住一心搵下啦！點知搵搵下就出事，
我真係堅想嘔！我話：唔好叫我搵野呀，想嘔想暈啦！有咩等落船先啦！
講完之句之後，好幸運架船無再拋
好快就到香港
不過仲係想嘔
過完關就即刻衝去士多買陳皮，
我見到陳皮一手拎左包，我好快俾完錢
Ｂ仔就幫我開，不過．．．
佢開得勁勁勁慢
我好似要食白粉既女人痴左咁大叫：「救命呀！你快快快Ｄ俾我食啦！」
B仔邊開邊望住我係度笑，仲KEEP住慢開定唔知好難開
然後佢竟然講：「你個樣急度真係似要白粉多過要陳皮喎！」
我大笑：「頂！我扮緊白粉婆姐！快D俾陳皮我啦！！(兇)」
