0

行山練習 - 太平山夜景

vi老篤日記 於 2012-08-04 16:21:10 發表  |  累積瀏覽 530

分類:行山 ;地區:山頂

 行山練習 - 太平山夜景

第二次行山練習,今次俾第一次更多人,我哋都係食完飯,搭車到金鐘,由香港公園起行至太平山山頂。一開始係過香港公園,然後到纜車站。係纜車站附近寫住纜 車徑既地方開始上山。係咁上樓梯上山,上到堅尼地道,都係繼續行樓梯上。夜晚好似無人同我哋一樣咁樣上山,只係間中有纜車經過姐!今日天色不是太好,好似 想落雨既感覺,好熱,而望出去既物亦好似有層簿霧咁!攞住部大機都無衝動攞出嚟用!

行 完樓梯,經過蒲魯賢徑,再接住高化利徑,就去到梅道。係呢個位有d 猶豫,唔知向左走,還是向右走。有問個看更,但大家都好似好唔清楚。最後都係決定向左行,終於見到網站上所指既漆咸徑。沿漆咸徑一路行,只係見到樹,無街 燈。亦無其他人。但呢條路我真係無行過,又發現一條新路上山頂啦!

一路上,去到白加道啦!見到有車,我哋沿車路行,見到政務司長官邸。影咗兩張相,再繼續沿白加道上山。終於見到白加站既纜車站,而凌霄閣亦只係我哋上少少 既地方。我哋繼續行,見到有嗰牌寫住芬梨徑,但我哋都無行,繼續行條車路唸住去獅子亭。不過越來越唔對路,因為凌霄閣越來越遠,但我哋好似行咗去人哋有錢 人既私家路屋企咁!最後又要出動google map 去尋覓吓出路!都係沿車路繼續去,終於行多三個字見到山頂廣場,即刻入去唸住食麥記 lu!

時間大約10點9左右,商場d舖頭都 close la,麥記亦唔例外,最後只可以係7-11買嘢食。食完同埋抖咗一輪,大約11點3我哋決定離開。因為行得都幾唔夠喉,所以我哋決定行返落山,除咗 Camus 話要趕住搭車。

落山我哋由返芬梨徑,再去白加道,不過係另一邊既白加道。係啦!呢條我試過行上山,無車,但條路好闊好舒服,唔駛15分鐘,我哋已經去返地利根德閣啦!之 後沿行人路,一路落山,最後去到蘭桂坊。都唔駛半個鐘,全部人好興奮,因為行路俾Camus 等車去中環仲要快。原先我哋想係蘭桂坊飲嘢,不過星期五晚,周圍都係人,再加上我哋既身世,放棄啦!所以最後搭地鐵離開!今次上落山都唔駛3小時,算快 啦! 







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:山頂
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209367

全部攻略 323

全部回應 5