Day 3 - Bangkok - Zanotti, Aubergine, Asiatique
![]()
![]()
原先今日係去大皇宮呢個咁觀光既活動，不過攪攪吓又好晏，加上今朝好enjoy 咁享用酒店豐富既早餐。原來去另一邊餐廳有好多嘢食架！仲可以坐outdoor，好好enjoy 日光。最重要
Champagne 都有。
食完之後決定係附近行一個鐘左右。我哋坐酒店golf 車去咗Central World。今日主攻二樓，一行又跌錢，買咗好貴既iPad 套，雖然好男裝，不過真係好靚啊！
行咗一個鐘後，我哋就搭的士去食意大利嘢，無泰文地址，真係好煩，次次都係要講，同埋司機永遠唔知，所以係大路就放底咗我哋！一條直路入去，都算易搵到間意大利餐廳。
今日去食lunch 既意大利餐廳 -Zanotti被評選為泰國最佳西餐廳的前三名。我哋入到去，都見到有攞住旅遊書既香港人係度用餐。我哋三個其實仲好飽，不過都要試吓架！(ceci 嚟到之後話自已食過lor，記性真係好好！)
我哋叫咗
Parma Ham，唸住 Pizza 叫 Italian sauce，點知佢勁sell 我哋 Pizza Parma
Ham，但可以每樣一半，所以兩個味都試齊。不過真係Parma Ham Pizza 正好多。我真係好like食 Parma
Ham，但真係好飽，所以覺得有少少遺憾，唔能夠好好enjoy。
呢餐都幾
hea，攪到餐廳無晒人我哋先走。我哋又搭的士去四面佛隔離嗰商場，ceci 要買oriential princess
仲喚起我哋要買林珍香添！買完我同pindy 去做spa，ceci 就繼續行。不過去到做spa既地方，原來係我上次住既central
point，上到去佢話我哋唔夠三日booking，所以唔俾半價我哋，成千蚊做spa，好嬲，所以走咗！不過一路行返酒店覺得好熱有d
後悔，但係成千蚊都係算啦！雖然中途有睇過其他，不過都唔平，所以返酒店啦！
返到酒店唸住
放低d嘢再去 Siam Square，點知等 golf車途中見到ceci 返嚟！所以又一齊去返Central
World，今次一去我入咗flynow III ，終於買咗條裙。Pindy 都有買衫，跟住再去 Cath
Kidston，佢兩個癲咗咁，又買好多嘢啦！雖然我都係不停叫人買啦買啦買啦！但我其實都俾佢哋嚇怕。
放底晒d戰利品，我哋又搭的士去食嘢！今餐我哋食法國餐 -Aubergine，原來間餐廳係 lunch 既意大利餐廳前面，入到去間餐廳無咩人，我哋坐咗係一個酒櫃前面既死角。唔知係唔係肚餓呢，又覺得得嗰 set dinner 好ok，所以我哋叫咗 4 courses set dinner。仲開咗一枝酒飲添！
今次呢一餐飯可能無得上網，我哋係講得最多嘢既一餐，每一道菜我哋都為一樣嘢飲杯！不過我話咗到我打blog 我應該唔記得架嗱！唔知係唔係開心既時間會過得快d，或是法國菜真係慢慢享受，我哋居然食到十點幾！我哋仲有一個景點夜市，要快d去先得！
的士去到新開既夜市Asiatique，
呢度真係好大吓！不過我哋實在太夜，好多店舖都關門 lu！但係唔理咁多，點都要行吓！呢度的確似以前既 Night
Bazaar，仲開門既舖頭都會入去行吓，就係咁，買咗俾阿珍既燈啦！仲講埋價添！行咗一陣，我哋就搭的士返酒店，估唔到的士佬又唔識，講central
world 再要教埋佢入先返到酒店！
經過今日大家都滿載而歸，影張相先！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
