食完我哋嗰 Afternoon Tea，其實都幾晏，不過我哋都照行程走。首先去K-Village行吓，呢度應該唔係好近 BTS，睇d旅遊書都有介紹呢個新場，仲話有d小手作舖頭，所以咪去睇吓。去到嗰場勁似 outlet
feel，但就係細細間舖頭，最重要無冷氣，加上好似想落雨，所以超熱！一入去，應該就見到旅遊書所講既小手作舖頭，d
嘢係幾特別，當然我又二話不說已經攞咗件衫去試啦！ 問心件衫著起有d 難handle，但係三百幾蚊港紙唔唸啦！買！Ceci 同 Pindy
就揀好多公仔，小手作嘢啦！當然 Pindy 又最勁，買埋咕臣添！我望見d bear bear
熊又好想買架！但實在太多，上次買嗰兩個旅行伙伴都無咩點攞出嚟影相，算啦，唔好買d 無謂嘢！
睇完呢間舖頭，再行咗去其他舖頭望，呢度仲有boots，同埋有super rich 可以換錢，仲可以換到 4，都算係咁。最後我哋仲行咗入 gourmet，買咗枝酒同小食唸住今晚係酒店飲。
攪攪吓七點幾，所以我哋一定要走，去 Healthland 做
massage。點知坐的士，的士佬去到路口話唔識去，攪咗一輪又打電話，打唔到我哋就落車。其實落車我哋行咗一陣已經搵到 Healthland
，唔知點解的士佬唔知，係要我哋係啱啱落完雨咁濕既地下行。
入到Healthland 好似去咗大陸d
骨場咁，坐係度等同叫咪。我哋因為遲咗，講完一輪，原來俾錢係要我哋食完嘢再嚟講，所以攪完一輪決定放棄。最後我哋嘗試 book
bodytune，不過有無攞d電話地址係手，決定放棄啦！不如早d去食嘢嗰度影吓相，嘆吓好過！
我哋今日係要去Spring & Summer，呢間嘢特別到無旅遊書講架！只係有人介紹俾ceci，上網睇過台灣blog 友寫，夜晚去影到好靚既玻璃屋，仲要食飯既地方叫 Spring，隔離間coffee shop 係 Summer ，點可能唔俾佢吸引。
![]()
不過搭的士去又另一個故事，本身已經好難搵車，點知搵咗三架，俾埋泰文地圖都話唔識，唔去。最後第四架，可能咁啱的士司機後生d，又話俾佢聽近邊個地鐵站，所以佢就車我哋去。去到附近，佢都有再睇地圖，終於搵到門口俾我哋落車。
我哋落車，真係覺得呢度好靚。無嚟錯！入到去，真係無香港人，係本地人多，後面嗰圍仲慶祝生日添！呢度食Fusion
菜，有d將泰菜既特色煮西餐咁！而佢介紹既幾樣嘢都係冬蔭公乜乜咁！但明顯唔係湯，只係用呢樣味煮天婦羅之類。我哋叫咗
Salad、冷盤同埋咖喱！食完之後就過咗去隔離 Summer。呢度傾計飲嘢真係幾舒服，仲可以食吓甜品添！
坐到十一點幾，我哋坐的士返酒店，不過今日預備咗香濱，所以飲埋又攪到兩點幾lu！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
