今次我嚟曼谷既目的係以買衫為主。其實上兩次嚟曼谷已經覺得d
衫好靚！六年前嗰次，紙水仲好低，所以我記得係一間舖買咗千幾蚊三件衫，但係上一次四年前嚟，已經覺得好貴，係一件衫千幾蚊，所以放棄咗。不過今次我唔
理，千幾蚊都要買，又想特別，又想靚，又要唔駛係香港撞口撞面，呢d 錢抵啊！
因為行街係我主要目的，加上行程係我編，所以我自私地最後決定第二日去shopping先啦！雖然噚晚鬼咁夜瞓，不過今朝又識得8點幾起身啦！鬼叫酒店張床always 都係我敵人，旅行其間應該唔係叉電，仲俾平日行快十倍添！
酒店係有包早餐，Pindy 仲話可以有三間選擇，我哋當然食埋先啦！我哋近近地係出門口見到既餐廳食，點知有d失望，咁貴既超五星餐廳居然得好少嘢揀，放食物既地方又細，唔知想點。所以我哋兩個求其食完就得啦！Whatsapp ceci 唔好嚟添！
今日除咗買衫、行街，之後會返嚟酒店食 Afternoon tea，所以ceci 就分開行係酒店hea 耐d。我就早d去博殺。可能係星期日既關係，d舖頭都幾準時十點開，唔理咩類型既衫，總知係Siam Center三樓嗰d 都每間行吓先。當然我都有d喜好，一入去嗰間騎呢衫 flynow
III，如果唔睇價錢，佢d衫簡直愛死，所以可以唔駛買住，睇吓先就ok。之後唔記得係唔係Platform，佢d螢光衫褲真係勁靚，可惜試咗唔啱。除咗
女裝，我仲要睇埋男裝，因為細佬點名要幫佢買衫，所以點都要買件既。不過佢話嗰間，我搵唔到，就咁行又未見到d好靚添！而我繼續行就搵到我既致愛Shaka London 。當然我又要極速咁視察每件衫，好快咁攞起啱既衫去試，不過試咗四件，最後只係買到其中一件，真係有d失望，但靚衫一件都可能夠。之後仲行咗去香港都有既 Greyhound ，不過佢有d衫 40% off，咁樣當然跌錢啦！
![]()
行
完Siam Center，我哋就去咗隔離既 Siam Discovery，不過唔係好啱睇，再去就係
MBK，更加唔啱睇，所以返轉頭去Central World。 去到 Central World
最主要我想搵返以前賣衫既舖頭，不過唔係好搵到，反而 Pindy去咗 Cath
Kidston，嘩！睇得到佢超開心，佢咩都買，由袋到鞋到杯........，我就完全唔啱花花，所以無咩望到，但魔鬼一定係我，我勁叫佢買啦買啦買
啦！香港無既嘢，見到鍾意真係唔駛唸 -
直買！呢個就係我洗錢既原則。如果唔係我都唔會買得咁癲同咁快！最後因為行到唔夠時間，所以錢又唔換，超市又唔去，就行返酒店去食我哋既
Afternoon Tea。
兩人份量既 Afternoon Tea 都幾多，同埋感覺好似好high咁，因為真係酒店high tea。但唔知係唔係朝早食得太多 Cheese，好似仲好飽咁！所以我都係食咗好少！同埋cake, fruit, dessert 都唔係我朋友，扮唔到上等人添！
食完我哋就去下一站 - K-Village！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
