攪咗好耐終於可以三個人去旅行！先係唔知去邊，由海南攪到 Bangkok，之後 Pindy 又加入，最正係飛之前一星期話俾你知 passport到期，唸住去唔成，點知入境處咁好，五日都無，就出証，順利去旅行 lu！
今日搭泰航，估唔到咁舊，不過都無咩所謂，我都唸住瞓，不過世事係估唔到，傾計傾足成程，從未試過搭飛機唔瞓，好在頂到姐！班機遲咗好多飛，原先唸住兩點幾到，點知遲咗成個鐘，所以去到酒店都成四點幾！
今次住一間新酒店，仲要好近Siam Paragon，叫Siam Kempinski。當然我哋唔係一出嚟就係泳池既房，不過入到大堂同埋望見泳池都係好普通姐。加上佢成間酒店唔係圍住一個圓圈，住到尾房咁滯，真係行得幾遠架！入咗房影兩張相，坐咗一陣，都要坐的士去食飯啦！
今日我揀咗 Sukhothai Hotel 既Celadon。之前睇書覺得佢好靚，咁又話係好出名既泰菜， 緊係要試吓！因為落雨既關係，比如期遲咗到。去到居然附近三枱人都係日本人，估唔到係日本人重點嚟既地方，又或者呢間酒店實在太多日本人住啦！
(見到日本人，心裏剔咗十格，哈哈哈哈。)
我哋坐底睇餐牌，原先都無咩idea，後來佢居然攞部 iPad
俾我哋睇樣，即刻好好多，睇樣揀嘢食，靚樣先叫麻。我哋叫咗冬陰公湯、豬頸肉、生蝦、紅咖喱牛肉、炒蜆同埋菜！其實環境ok，不過好高貴既泰國菜總覺得不
及好地道，大排檔 feel 既舖頭。幾個餸我最讚係豬頸肉，因為真係好好味，同平時食既味唔同，不過就唔太熱。
生蝦就新鮮全無殼，加上佢上碟既賣相，要俾個like 佢。
反而冬陰公失色d，一嚟好少，二嚟好似得嗰辣字，可能佢用龍蝦煮同平日用蝦既味唔同啦！
而紅咖喱正好用嚟送飯，佢有免費飯食，仲要可以揀紅米，正！
而最差係蜆，好似唔熟所以同d殼仲癡住。同咗餐廳反應，最後佢仲唔計我錢添！
最後差d忘記佢嗰免費甜品。呢d咁既賣相我當然等大家試咗先！淺色d嗰粒，ceci食完話係番梘，超驚！深色d嗰粒ok，以為係番薯，食第二粒以為係蓮
子，到最後問人先知兩款都係蛋黃，超爆！我最後其實兩粒都有食，係似月餅，但真係似蓮蓉 lor！番梘味亦都係好似，想嘔泡 lor！
今餐每人食咗三百幾蚊港紙，都 ok 啊！唔太貴，如果仲有時間，可以坐耐d傾吓計添，仲好！不過我編既行程，無可能唔趕去下一度啦！
食完飯，我哋去咗酒店，叫咗服務員幫我哋book massage。呢間酒店service 都幾好，我哋又唔係係度住，佢都幫我哋試晒d選擇。不過星期六真係太多人啦！所以最後只可以揀到Asia Herb Association做 massage，同埋11點鐘 lor！
攪完一輪，最後搭的士落去新場 -Terminal 21行吓。入到去其實望吓d 舖已經知麻麻！不過呢刻有的是時間，咪慢慢行吓 lor！雖然佢話每層唔同主題，但似足朗豪坊，下面係連鎖店舖，上d
係細舖仔。當然佢仲有既特色咪就係每層唔同國家，而搵當地既特色做佈置。都係嗰句啦，不外如事姐！到十點鐘d舖頭都閘門，我哋都走啦，寧願早d去
massage 好過！
由Terminal 21 行過去 Asia Herb 行咗20分鐘左右！呢間分店我就未去過，但呢間massage 以前就做過，都幾 like 佢 Herbal Ball，最後我哋揀咗120分鐘既massage。所以攪到成兩點先返到酒店！第一日就攪到咁勁啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
