第七日 - 尼泊爾之旅 - 加德滿都

估唔到咁快就第七日，旅程又就快完啦！不過都好，終於可以去返d都市既地方！八點鐘我哋已經出發返回加德滿都，今日條路比嗰日罷工多咗好多車，最主要係貨 車為主。不過佢d貨車勁舊，唔知係唔係似泰國嗰d，前面無冷氣既，但唔知點解全加好似好多圖案咁！最慘佢哋d車舊到行過都有勁多黑煙噴出嚟！好在坐係冷氣 車入面姐！

今日俾預計早咗返到加德滿都，我哋十二點幾就到！不過坐車又好遙啦！攪到我完全無胃口食飯，對住d中菜都食唔落！食完飯，我哋返咗酒店hea一陣先，跟住就出去購物，買手信！

買手信去到一條旅客街，有佢出名既 scraf、茶葉、銀器等。我哋一嚟買咗scraf 先，其實之前已經買咗四條，點知呢刻再買多兩條添！跟住買茶葉做手信，原先到想買佢介紹我哋既奶茶茶葉，不過要自己沖實在太煩，所以放棄！之後再買吓調味 料啊、薯片咁啦！行咗兩個幾鐘，我哋就離開啦！

之 後由呢條旅客手信街，走去名牌街！不過名牌其實係指Bossini, Giordano, adidas 嗰d，仲要舊款，我哋當然店行店過啦！跟住就去到我哋食嘢既地方！今日係食一餐傳統既尼泊爾菜，仲會有民旅舞蹈表演添！餐既食物就麻麻，反而一開始有爆 谷，再加一杯勁米酒，幾日都無飲過酒，正！

睇完表演，大約8點半離開，完成了今日既行程！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/