打針後食餐好 - 九龍城‧奇坊

6/7


今日dayoff 終於的起心肝去打子宮針喇!!
話說我由六月開始約約約, 約完又改 約完再改咁
如是者第四次我終於成功打針喇


呵呵 我既經歷真係非常之咁愉'''快''''
因為真係好快打完, 坐低之後姑娘就拿住個針盒講解我知......
之後就埋我身keep住講解,
姑娘講話 : 「o拿... 打完隻手會有d痺同腫痛架! 不過係正常現像, 唔使驚架」
正當我有d淆底............ 就係度唸, 點解講完又唔打既, 心唸快d啦! 驚緊呀!!!
跟人住姑娘就問 :「仲咩事呀 ? 好痛呀 ? 好痺呀? 唔郁既你」
我 : 「o下 ! 乜你打左喇咩」
姑娘 :「打左喇! 你唔覺咩」
我 : 「嘩! 姑娘你勁好手勢呀! 你打左我都無feel, 實在太好喇!!!!
」
(開心死, 無你地講咁痛既~~heehee)

等我仲一拖再拖...............不過人地真係好淆底丫嘛!


打完針, 身心鬆哂


行去旺角熱C辣辣, 行左陣已經頂唔順喇！

之後去等Ｂ仔放工, 去左starbucks 嘆杯咖啡

其實我每次放假都好想坐係呢度咁呆座, 睇下書 ~~~ 勁寫意





可惜次次都坐唔到窗口位





今日係信和中心發現一間精品店 - 專賣旅行style既精品! 好靚架!
引唔住手買左本schedule book

(話說我由中學到現在都仲用緊hello kitty, 覺得係時候轉型喇!)






為左我努力自己行出左一步, 我決定今晚食餐好!
因為我前兩日睇雜誌發現九龍城有間新既西餐廳
仲要係九龍城廣場, 咁近唔去試下都唔得啦

可能新開呀, 無乜人, 不過我對佢好有信心, 因為西貢都有間架!
裝修都幾型格, 不過入面d人唔講野架, 靜到好似圖書館咁囉!
我地兩個想笑, 都忍下口~~~




龍蝦湯, 有人敏感都照飲, 只可以講 [勇氣可加]


睇睇張相，Ｂ仔樣咁CHOK既！




YEAH! 最開心有牛扒食, 同埋呢度既RIBS, 上面個D係士多啤梨醬黎架~~




招牌菜之一 : 意式香草大蝦寬條麵手袋 , 手袋都食得？夠新意！我鍾意！哈哈哈


開餐ｌｕ～～～



食到最後客ribs差不多成份打包拎返屋企! 因為太飽, 哈哈哈 叫多左
連我最想食既甜品都食唔到, 傷心



我覺得價錢尚算OK! 唔會好貴! 咁近又咁好食! 抵哂! 飽到又食又拎~哈哈


下次再黎食甜品!!!!!!



九龍城廣場 , 同以前好唔同, 不過讀書個陣最鍾意黎呢度唱Ｋ！


散步後，回家！
二人世界既生活係我最響往既, LOVE U B仔




________________________________________________________

同場加映我的九流攝影 - 給HOMESICK既舊街坊

哈哈哈 下次經過再幫你影下!
希望解到你思鄉之念啦!!!

感謝 仙蒂小溫太 提供以上資料
個人日誌: http://cindylittlemrswan.blogspot.hk/