今日又係要一早起身睇日出，不過今日比噚日更早，要四點鐘起身，四點半鐘出發！我哋坐車去到一個山頂既地方，欣賞日出！去到時天空而出現微微橙光，但最重
要係已經好多人，包括強國人！係大家等日出既時候，呢班強國人仲不停要d
貌似印度籍既女仕，擺唔同姿勢，當大家影完後，仲會俾錢佢哋！真係以為有兩個臭錢大晒！又為咗要影大特寫，又要其他人行開，真係火都嚟！影衰晒！佢哋仲要
掛嗰牌係大眾攝影，呢本書我都有睇，如果下期見到佢d相，我實鬧爆姐！
由五點半等到六點終於見到嗰點橙紅光出現啦！大家真係會叫一聲先！用新相機影，覺得對焦真係易好多，如果對住太陽同對住山峰光度即刻有明顯分別！(而大家
係facebook睇到話d色好唔同)
一路係咁影，整個雪山都唔係影得好清晰，可能天氣雲層都唔係好。兩日都係咁望得唔清楚喜瑪拉雅山脈！影到六點四過d我哋就回酒店，之後食早餐。大約八點鐘
又再出發！
今日又要坐成三個鐘頭車去哲雲。今日無再擺工，所以多咗好多車係路上行。而去哲雲條路都幾爛，又係搖搖吓咁搖去！
去到哲雲大約十二點幾，呢度真係好鄉下，牛車、稻田、羊、象隨處可見！衰過大陸農村，亦feel
到好窮！我哋去咗間酒店，我覺得似去咗沙美島或者camp
site，不過係無冷氣，正確嚟講唔係無，係電力分配，呢刻未輪到呢區！30度高溫，無冷氣、得掛扇、張床又出其地厚，真係熱死咗！嗰刻好掛住香港、好掛
住加德滿都。但唔知有咩做既呢刻都係瞓，好肯定嗰刻唔係熟睡，但係發夢已經返咗香港 lor！
![]()
大
約去到四點鐘，我哋先出發由酒店既領隊連同其他團友同我哋一齊坐車去騎大象。同車既其實都係鬼佬！我著晒長袖衫、帶咗口罩，準備上象！一隻象居然佳四個
人，辛苦死！每人只係霸一隻角，記得泰國都可以兩個人一隻，點解呢度咁辛苦！隻象係咁行，又要佢過河，我就係咁搖阿搖，仲辛苦嗰坐車！搖到叫咗森林區，就
見到鹿！其實不停行到只係見到鹿。同埋會俾兩邊既樹枝打，唔怪得知要著長衫長褲，唔係會損！一路搖搖搖，都只係見到鹿，都睇唔到其他嘢！而我亦開始望裱，
幾時先出完呢兩個鐘。搖到後尾嗰半個鐘，已經知好辛苦，唔嘔只係唔想嘔落自己腳同埋象身，但我同暈車浪無分別，果然最後一離開象身跑落樓梯即嘔！辛苦死！
我會好緊記今次經驗。
之後返到酒店又再抖一抖，到八點出去睇傳統泰魯族表演，到9點左右先返回酒店食晚飯！不過都好既，無冷氣入到房都唔會瞓得著，等到十點半冷氣出來了！唔認同埋想唔做都市人都唔得！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
