0

第四日 - 尼泊爾之旅 - 撲卡拉

vi老篤日記 於 2012-05-23 17:34:21 發表  |  累積瀏覽 540

分類:行山 長線旅遊 郊遊 ;地區:其他

 第四日 - 尼泊爾之旅 - 撲卡拉

今日五點就要起身,因為要睇日出,不過都唔算辛苦,因為係酒店房或者酒店天台就可以啦!不過我哋都出咗天台,空曠d同埋高d應該靚d。

其實上到嚟睇嗰天已經好光,只係仲未見到嗰太陽出嚟姐!六點前左右,太陽出來了!狂影咗廿分鐘之後就走啦!

到七點鐘我哋又同導遊一齊食早餐,食完又起程。今日沿路落返山先!我今日有要求停車去影吓d 屋,不過可以停車既位都唔係太好,影得唔算好靚,人哋影到好似歐洲咁!

之後其實出返加德滿都,我哋跟住換車,由一架私家車轉為van 仔,兩條友加嗰導遊同司機,即係每人一行,真係舒服。

今日坐車真係坐好耐,不過仍然擺工,所以導遊都話,條路好順,所有貨車都見唔到!不過條路都好爛吓!所以係車都幾拋!而望出車外,其實係一d山景,不過係山都有人住,有屋有耕地,都幾似梯田咁,一層一層。不過咁拋,加上好眼瞓,我都係無影相,只係瞓算啦!

大約坐到11點,我哋就停底食飯,成朝都無做過嘢,只係坐車,其實我一d嘢都食唔落,咁快又話食飯,跟團係食嗰part 真係辛苦,因為太足太快,永遠都係未消化。

坐多三個鐘左右,我哋就到咗撲卡拉。不過其實入城嗰刻都好煩,因為仲係擺工,所以每個路口都要停底,俾人圍.....觀吓先!但係郊區人真係惡,仲要上車,連導遊嗰証件都要睇埋,真係俾佢哋嚇親。

我哋首先入咗酒店,間酒店我哋係轉咗,佢話原本嗰間好遠要坐多成個幾鐘,所以換間市區d。不過間酒店好舊,好似大陸嗰d假四星酒店!仲會突然無電添!好在住一晚,忍啊!係酒店抖咗一陣,我哋就去咗Devi's Fall 睇瀑布。不過嗰瀑布流爆!衰個馬灣嗰個。

之後我哋就去翡華湖坐船遊覽。一開始嗰湖勁多垃圾,出咗去就好少少,不過都唔係覺得咁靚姐!去到中間有個小島,上面有個廟,就係咁多!簡介寫嗰湖係波平如鏡,又話可以欣賞魚尾峰,點知咩都睇唔到!仲覺得就快落雨添!

上返岸就坐車返酒店,今日既行程又完結啦!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/









鐘意SeeWide的分享,給我們一個Like吧!
  • 攻略日期:N/A
    攻略地點:其他
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209337

全部攻略 323

全部回應 5