今日比較早出發，因為下晝要坐車去另一個城市。
8點鐘出發，不過唔駛三個字就去到第一個景點 - 博拿佛塔。其實係酒店已經望見過！呢個係世界最大既圓佛塔，之前睇好多相，主角都係佢。當然我呢d都要扮吓嘢啦！所以我都影咗好多張相啊！
今日仲係擺工，圍住圓塔既舖頭全部都無開，只係有少量小販係度販賣。但最正反而係擺工既人走到入嚟抗議，作為遊客其實見到都有d 驚！之後繼續係圓塔上行走，仲見到強國團友係度影團體照添！
![]()
停
留仲半個鐘後，我哋就去濕婆神廟。聽個名無咩嘢，但衰d講即係火葬場。行程講呢度係印度教既聖地，我唸對於香港人嚟講，停一陣就可以啦！不過導遊可能唔知
啦！佢好詳盡咁講屋企有親人死就點，幾耐攞過嚟，d
家人係屋企同呢度又點安排，我真係唔想聽。最正係佢講得咁詳盡，攪到真係係對面望晒成個過程咁滯，真係十級唔like！而火葬既所有嘢有會掉晒入河，當然
除咗骨灰啦！見到條河都頂唔順。佢仲問我哋點解唔影相，我連睇都唔想，點影啊！
離開之後，上車去另一個景點，先發覺原來呢度好行機場，真係近得好緊要，好邪啊！
下一個景點係巴克塔布，呢度又係文化遺產，不過之前睇冒險王，知道要買飛入，仲要睇passport，好嚴緊咁！
入到城，當然覺得同噚日睇既無咩分別啦！最特別可能只係廣場大d，同埋呢度係成個區都係咁既建築物、一致d 。連我哋午膳既地方出面外牆都係泥磚屋。今日食既 lunch係咩都有，但分好咗每人一碟！
食完之後，導遊就帶我哋行另一條路出返去。中間經過既商店又係唔開。可能係咁，因為無嘢買，我哋都只係影吓相算啦！
之後我哋就坐車去那加閣！沿山路上山，見到山上既屋，其實嗰景好靚，但開住車又唔係好影到！不過曾經睇過d 人影既相，真係好得！大約一個鐘左右，我哋就到今晚住宿既酒店！真係無唸過兩點幾就完成今日既行程，嗰團真係hea得緊要！
今晚住既酒店雖然無Hyatt
咁靚，不過其實都好ok。最衰天氣唔好，嗰天唔夠清，如果唔係應該會望見喜瑪拉雅山脈！我哋見無嘢做，係房抖咗一陣就出咗去，先頭去吓附近既路行吓，見到
d餐廳咁！之後就行咗上山，唸住去嗰觀景台，點知行咗好耐都見唔到，又成四點幾啦！所以都係沿路返回酒店啦！
回到酒店抖一陣就食晚飯，今日就完結啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
