![]()
考
完試第一件放縱自己既事就係要睇五月天演唱會。由三月開始已經狂煲佢哋d歌。連係宜蘭單車馳騁既時候，都要有佢哋伴隨。所以最後我都決定睇兩場。第一場係
星期日母親節，雖然今日唔係最貴既飛，但係中價位第一行，其實好ok，仲要前面無咗條欄杆阻住添！今日仲要第一次用新機影，加埋一枝小小白，希望效果ok
啦！
![]()
今日我同ceci 都八點三去到紅館，但係超多人，點解排隊排到咁勁！原來係因為要蓋章，攪到入場條龍好長！攪到八點半先入到場！而今日都有magic power 出嚟唱，但係八點七lor！咁五月天幾時先出現啊！最後八點十左右終於開場！
終於由2012打開頭陣，唔理企起身狂唱，d歌溫到幾咁熟啊，當然台語係唔識，我只係識唱「叫我第一名」。
![]()
原先唸住好開心影吓相，原來坐得後，小小白都幫唔到手，所以唔係影咗好多相。反而更加專心聽歌！唔記得邊個同我講五月天好似一個宗教咁，歌迷為佢著咗魔，我而家都信啦！
今次主題係諾亞方舟，同前兩年既DNA好唔同，加上有唱到好多新碟新歌，我最like乾杯「會不會 有一天 時間真的能倒退 退回你的我的 回不去的悠悠的歲月」。
而唱諾亞方舟時，更加show返歌迷寫既語句添！我提咗我d同事，反而最後自己唔記得寫添！
![]()
而另一個好靚既場景就係影香港夜景，令香港歌迷更加心刻！唱倔強就同世界巡迴一樣，大玩彩虹啦！真係好靚！今日係母親節既關係，仲唱咗我好like 既洗衣機添！不過每次聽親呢隻歌我睇住歌詞就會喊，真係唔知點解！
整個演唱會唱到十二點，好滿足！最正係聽日再嚟睇！
第二日同Cherry嚟睇，變咗佢影相，而我更專心聽歌，除咗無唱洗衣機，大致上都同前一晚差唔多，唔同可能係四個既表演，今場係冠佑唱歌。同埋今日係好早咗開場，星期一感覺真係唔同d，返工麻！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
