宜蘭單車之旅 - 第五日
![]()
今日大約8點半既時間食早餐！我哋今日都未出門口已經感受到出面門口陽光既猛烈，嚟咗五日終於見到陽光！所以食完早餐都要影吓出面既藍天白雲同埋稻田既綠色先得啦！
食完晒早餐、影吓相、攪好行裝，差唔多11點我哋又起行。今日天色實在太好，望見d
雲加綠色，人都醒d！離開稻田，我哋又上返單車路。今日同樣係蘭陽溪，不過係左岸。踩踩吓見到有火車經過，我哋仲停底影相，不過足足等咗廿分鐘先有另一班
行過！所以係等既途中，路邊小花、標誌等咩都影一餐！
踩多少少單車路，又出返見到有車既地方。不過單車始終都有條單車路，就算隔離有大車行駛都無有怕怕，台灣踩單車真係好安全。經過蘭陽大橋，無耐又見到羅東
既指示，原來已經返到羅東市區。有d時間低下，我哋決定第一站醫肚先，搵咗間食肉焿好出名既嘢！不過我緊係最安心叫咗魯肉飯先！我哋叫咗一碟肉焿，原來入
面係芋頭，最重要係無葱！所以我食得好開心，仲要加碼添！
食完呢站，下站去捷安特店，當然無車既我，只係睇吓參與吓啦！佢哋就好enjoy 咁買嘢！咁我都有買吓嘢送俾人，點都叫做台灣單車行麻！
![]()
買
完單車嘢，我哋就去買手信。買手信既地方原來就係羅東夜市，嗰日我哋行咗
4轉都有。好快咁買咗花生糖、牛舌餅。我哋就再行買去食紅豆湯圓。問心今日真係好熱，仲要食碗咁熱既甜品都幾辛苦。不過咁出名，最重要出名到間舖係無招
牌，你話點可以唔食。一個人隊咗一大碗添！食完嘢，我哋要趕返去還車啦！還完車就上咗預先安排既的士，返台北機場！係的士超級好瞓，到咗機場寄好行李，又
要做最後買手信既環節！不過今日機場超多人，原來bigbang
都離開台灣！好多妹妹仔係度等，我唔係妹妹仔，但我當然都等埋一份，由未入閘到入咗閘，到過埋關，見大家都等，我又等。如果佢真係係呢度入，可以對到正
架！點知都係等唔到，移民官既人話佢哋行咗第二度，too bad，無緣！就咁樣五日既宜蘭之旅就完結！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
