今朝超早要起身，7點要ready 食早餐，7點半出車，不過唔係單車，係的士。我哋今朝既活動係去龜山，8點要去到碼頭，所以咁早lor！
![]()
7點9左右已經去到碼頭，係等待既時候，影吓蘭陽博物館，本身我哋都唸住去，不過星期一居然休館，所以無辦法。但今日天色都唔好，又好似想落雨咁，影出嚟嗰天好黑添！
影咗一陣終於有人帶我哋去碼頭，除咗我哋仲有旅行團添，所以船上既位都坐滿晒！ 我哋坐咗係船尾位置，要著住件救生衣，仲要係濕，好憎啊！唯一好，就好似無落雨。一路向住龜山出發！
![]()
|
|
呢d石都係龜山島既特產
|
![]()
今
日天色可能唔好都幾大浪，就算企起身都要搵d嘢扶住，望住嗰龜山，船既導遊介紹咗島出面既嘢，例如見到有d
洞啊，或者炮咁！感覺同係香港跟團旅西貢去東萍洲一樣！船圍咗一圈後，繼續出去，我先頭以為上船添！不過咩都理唔到，因為我好眼瞓啦！真係唔知瞓咗幾耐，
雖然未致於熟睡，但係真係斷斷續續瞓得著。無論覺得幾咁凍，都唔起身，真係好眼瞓啊！！！但係咁其實避過咗一劫，因為今日天氣唔好，大浪得好緊要，坐咗成
兩個鐘，出到去又搵唔到鯨魚或者海豚，但係個個人反而坐到嘔晒！包括teresa & per，我呢刻好like 周公既呼喚！
![]()
落咗船，又係繼續落雨，一開始係一個遊客中心既物體，抖一抖之後就環島介紹島內建設！真係同去東萍洲一樣啊！最重要一開始都係由廟開始！不過無辦法，所有中國人既地方，加上望海、漁業，都係希望出海後平安歸來！
再繼續行見到一d舊既戰機，同埋一間學校！之後望海出返太平洋，上幾級樓梯，就去一個好黑既隧道，最重要門口寫住 -
內有毒蛇，會唔會真係見到呢！行到幾入，之後見到一支炮，望出去海，其實就正正係我哋坐船望到島上既洞，原來係作為打伐用！出返去我哋繼續沿返湖邊行，見
到有觀音像，之後都無咩建築就出返遊客中心。
![]()
大
約12:15
上返船離開龜山島，唔駛半個鐘就返碼頭落船。今日由於時間充裕，所以我哋再影吓蘭陽博物館，及附近地方！之後就坐的士去宜蘭火車站附近既新月廣場，呢度相
信係宜蘭區最勁既商場！但當然我哋要醫肚先！我哋最後揀咗間意大利餐廳食嘢！食完就自由活動。雖然估唔到今次去宜蘭都有機會購物，不過嗰商場其實無咩啱
睇，得一間好細既誠品，買書，要自己踩返，又要用無轆既行李袋攞，咁搵苯既事真係好難做到 lor！ 所以都係齋行算！
離開商場返民宿攞返行李準備去今晚下榻既民宿，不過又開始落雨啦！去返礁溪民宿，準備晒好行李同埋起行之際，雨又開始越來越大啦！其實只係短短45分鐘既
路程，行咗7.66公里，但係我哋全身，鞋都濕晒！身就好在有雨褸檔一檔，鞋今次就避唔到 lu！亦係咁，我哋決定租多一間房，如果唔係洗衫都有排攪！
![]()
|
|
攞咗Teresa 張相發添！佢太清楚寫咗我哋食咩，我真係唔記得啊！
|
入咗房抖咗大半個鐘，我哋就出去食嘢！今日我哋book咗 「LIVE
食尚藝廊」。入去同普通酒家差唔多，不過佢無菜單，似食私房菜，俾咩你就食咩啦！不過唔知係唔係之前期望太高，同埋上次台北食既「食養山房」實在太出色，
無論環境同味道，都好似差d 咁！但總算係我哋呢幾日嚟最豐富既一餐，仲有就係食到呢度既地道魚 -
香魚。原來蔡瀾嗰節目都有介紹過！食完嗰11碟飯餸加1個湯，同埋甜品，真係飽得好緊要！我哋仲要食唔晒包咗嗰飯同一支排骨走！
今日係咁多日裡面最早返到民宿既一日，加上d 嘢又濕又洗，攪完瞓係床upload 相去facebook都攰到死！所以12點半左右，我就瞓咗lu！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
