今日可以晏d起身，9點左右先落去食早餐。今日既早餐係Waffle、南瓜湯、仲有自家製既花茶，當然可以再嚟一杯咖啡，醒一醒晨！食完早餐仲可以係佢後
花園慢慢影相，佢既花園有荷花池、仲要有唔同品種既花，原來男主人好like
種花，所以每一個品種都會試吓係屋企種！女主人仲一款款同我介紹，不過我既爛國語真係聽唔得晒d品種，可惜！
![]()
影完晒相準備行裝，我哋十一點鐘出發！一出去民宿踩幾個街口就到宜蘭河，宜蘭河單車路跟住就接住一個好大既公園 - 一大片草地。又係停底影相既時候。足足停咗十分鐘又繼續起行。跟住踩咗出公園，去返一個市集既地方，係7-11 補給吓，又再起行。
其實跟住都係踩宜蘭河，不過因為係爛路既關係，所以要出咗去行咗一輪車路先可以上返單車路！雖然話係車路，但其實都無咩車行，都好安全，仲可以影吓相添！
反而今日最大既敵人係逆風，明明係平路，都係似踩緊斜路咁！後來上咗去單車路仲慘，高咗少少好似更食風。停底架車，有埋行李都會吹跌架車，都唔知想點！踩
咗6公里，用咗成粒鐘，仲要係好辛苦好辛苦嗰隻。
![]()
踩
完馬路，好似一個連接太平洋海岸既地方，不過我咩都未望到住，我只係見到有嘢食！我本身真係唔係咁餓，但估唔到逆風踩咗一陣，變得又餓又攰，唔理食咩，只
想抖吓！但的確呢度環境勁正，因為同酒廊無分別！應該形容為大排檔卡拉ok！地方名仲叫榕樹公園，揀咗間黃金海岸！唔理周圍既歌聲幾咁刺耳，我哋既目標都
係食食食！最正仲要有刺身，不過佢形容唔到俾我哋聽係咩魚，但$150台幣，食落又似吞拿魚，好鬼正啊！我哋應該食咗7, 8
碟餸，充滿力量後，再次上路！
![]()
不
過好景不常，開始有微微雨，又要預備d
防水裝備。我哋未踩入單車道，首先踩咗出海灘。不過我一去到有沙既地方，再俾架私家車嚇親，我跌咗落地，最勁係屁股位唔知俾咩「痴」住咗，嚇死我！其實佢
似d有刺既魚，但乾同埋扁咗！推好架單車，就係海灘影吓相！d沙好黑，又好大浪，其實無人出海，只係見到有人釣魚！影咗十分鐘左右我哋就離開，轉返去單車
道 - 宜蘭濱海自行車道，不過一開首就落大雨啦！所以都係著晒雨褸準備啦！
呢條單車路，又係無人踩，加上見唔到農地，兩邊只係得樹，或者有時右邊見到太平洋。再加上落雨，大家係以飛快既速度行駛，只係係觀景台既地方停底影吓海！但係我仲慘，連相機都收埋咗，只係攞部電話係咁易影吓！的確天色陰沉，再加上係黑沙海灘，真係無咩靚景！
大約踩咗個半鐘出返市區！不過對海既單車路居然都會有墓地，係嗰d位我緊係唔會望左望右，只係不停望住前面條路踩，我相信呢段踩得更快！出咗河口轉入馬路，踩多4個字就去咗頭城車站！最衰我唔係儲開印，今次都可能可以蓋到好幾個！
係車站門口停咗好耐，仲試埋宜蘭手信 - 牛舌餅同花生糖，我哋就繼續踩出市區向礁溪車站出發。無唸過礁溪呢邊俾頭城更旺，可能係因為浸溫泉既地方。連車站出面都有得浸架！所以大家又抖咗一陣，先再返民宿！
今日民宿好正，係可以每間房自己享用溫泉，仲唔係成個旅程既重點！ 入房放好行李，我哋就出去食飯買手信同埋買奶凍做甜品！去到手信舖，7成人都係講廣東話咁！你話呢度幾繁榮！食完小炒，飽飽後！回民宿試埋紅品奶凍，入房浸溫泉，完成一日旅程！
今日踩咗44.16公里。但係逆風同埋上民宿既路係超斜，尾段放棄了！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
