宜蘭單車之旅 - 第一日

第二朝我哋八點食早餐，跟住就去羅東車站附近租我哋既單車。攪好晒行裝我哋就起行。 第一站我哋去羅東林業文化園區。一開始d宿舍好有日本特色。之後就見到好大舊木材。再行入d有火車軌同埋蒸氣火車添！果然係影相好地方！我哋推住架單車入園，攪到勁多本地人同我哋傾計，相當親切。嗰d好爛好爛既國語又要出動！我哋係呢度都停咗好耐，影完晒相就去食飯lu!

過咗利澤簡橋，我哋就希望五點左右可以去到小熊書房。中間亦好順道去咗冬山車站，David佢哋好勁應該去咗好多個火車站，佢哋應該對火車情有獨鍾。但過完冬山車站，好景不常，開始落起雨嚟！仲要唔係細嗰隻，攪掂好身上既防水裝備，我哋決定繼續起行。 落雨時大時細，亦會停吓咁，總算可以接受。差唔多六點鐘去到小熊書房，原來佢係對住梅子湖，我相信唔落雨嗰景係幾靚。我哋係小熊書室叫咗 Waffle, latte 等。佢嗰熱latte 好靚，拉咗個小熊樣。而 Waffle又超大碟。食完我哋就起行回民宿。

不 過天色已黑，又開始落大雨，環境好惡劣。再出返市區又搵唔到間民宿，最後民宿既人係附近帶路先去到。但全條褲，legging都濕晒！（好在對鞋同身無濕 姐！） 去到民宿，有另外四個人都book咗今日，居然咁啱又係香港人。我哋抖咗一陣，就出去夜市。夜市係羅東中山夜市，不過你問我，其實個個台灣夜市都差唔多。 唔知點解食 Waffle都咁飽，夜晚唔想食嘢咁！但民宿都有介紹我哋幾款出名，Teresa 亦做足研究，好吻合！我哋去到一嚟就飲個羊肉湯，真係好好飲！最重要仲有當歸味，簡直係排骨湯後，第二最愛！不過真係飽到癲！我指係我姐。我哋行咗一圈， 仲買咗串燒，我最愛既串燒都無能力食啊。再行去搵紅豆湯圓，點知賣晒，所以又返去食包心粉圓。攪完一輪，串燒、甜品+啤酒，就買返民宿慢慢享用！