東涌單車行

今日估唔到咁好天同埋咁曬，不過呢樣都唔係最辛苦。當佢哋4人晒住自己架車，而我就租單車，完全感受到嗰差距！好在大家都總算停得多、影吓相，唔駛攪到我咁辛苦！不過差真係差，當去到馬路嗰段，見到佢哋疾風而去，我就好努力好努力都發覺唔去，嗰一刻我真係想死。

好似比之前幾次踩呢條路辛苦十倍咁，我先踩到去迪欣湖。不過其實都係講咗兩小時。但係我今次堅覺得攰，原來又發覺平時都幾hea踩！抖咗一陣，我哋圍繞迪欣湖一轉後，就轉去迪士尼酒店同碼頭。碼頭除咗仲見到米奇嗰樣，同埋幾個人釣魚，應該無其他嘢啦！不過我都係第一次到。

跟住Anthony 就好好同我換車，當堂好好多，雖然都有d 唔慣，平行力攪到好差，但起碼斜路我去到啊！不過我feel到我大脾已經好攰啦！真係未試過咁奶嘢！加上覺得好曬，太陽真係我敵人，我又開始唸，會唔會嘔呢，我會唔會曬到好頭痛，真係超不安！

離開碼頭，經過迪士尼入口， 雖然係大約兩點鐘既時間，不過門口都仲好多人。影咗一輪相，就由門口踩返出去欣澳，再去返東涌。大約四點既時間，我哋再由東涌踩去機場。之前見過佢哋d 相，覺得條路同埋望到飛機好靚！但今日自己踩，發覺要踩馬路都幾辛苦，可能有雙層巴士同埋太多迴旋處。不過問心其實都係流浮山條路恐怖d，但係點解今日狀 態咁差呢！

4 點半左右去到跑道尾，見到d飛機起飛啦！都幾有以前係九龍城既感覺。加上今日藍天白雲，影上天空都好靚，不過係曬d lor！心理病(頭痛頭痛) 係咁呼叫我！再晒埋去飛機維修公司嗰段，就得唯一一個巴士站可以抖抖！咁啱係五點，見到好多人放工添！之後我哋繼續係跑道尾等，等睇日落。亦係咁啱，早上 同夜晚起飛方向互換，原先見到起飛，而家見到d飛機係同一條跑道等起飛，而遠d 嗰邊既跑道就見到飛機準備降落。

大約去到六點，開始太陽變得金黃色，我哋影多幾張靚相就要走啦！都係因為我要還車啦！佢哋陪我踩到逸東，我還完車就走啦！不過我 feel 到我腳好攰，好在係地鐵坐咗一陣，同埋係大腿肌肉出事姐，行路就無咩影響。希我下星期踩嗰hea 會好d 啦！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/