買咗第一場既Concert YY睇，好開心，因為我真係好期待。剩係影poster既4位女歌手已經係包括超鍾意、好鍾意同like嗰d啦！再要話件件靚衫，加上d鞋，當睇Fashion Show 真係無錯。
一開場當然係Wyman 出嚟講嘢先，我都覺得佢好勁，填詞人都可以係紅館開show，加上咁多當紅歌手支持，你話幾把閉！佢一出場件西裝居然背脊係穿洞，好誇，同埋其實好肥，不過唔好理佢又夠膽著。
第一個出場係容祖兒， 一嚟就隆重登場，佢套衫好靚，反而係d dancers既衫嚇一嚇。接住係明哥，佢嗰眼鏡真係型到爆！跟住就有薛凱琪，佢好似老咗好多，再加上佢唱奇洛李維斯回信同男孩像你都唔係唱得咁好！
之後Wyman 又會行出嚟講吓嘢！當然又有佢嗰d靚衫。接住有令佢成名既李惠敏。唱完兩首經典歌 -
你沒有好結果同活得比你好，就到何韻詩。佢件黃色衫sharp爆！唱完三首快歌，到蘇永康，真係一個接一個！佢唱佢至hit既那誰，係演唱會舞台show
晒d歌詞先發覺當中既「她」，真係估唔到。
密住再有好多嘉賓，包括一事無成 - 鄭融+周栢豪。張敬軒、盧巧音、傅佩嘉。而何韻詩就再出嚟唱咗兩首慢歌 - 勞斯萊斯、木紋。容祖兒更勁，都唔記得佢出嚟幾多次，又唱牆紙、又唱痛愛，仲有破相。不過唱破相就老貓燒
鬚，居然一粒字走音走到好緊要，奶晒嘢！但跟住佢仲有再出嚟同大家好期待既彭羚唱心淡。
不過彭羚其實一出場係唱最感人既 - 小玩意。最正Wyman 既介紹，佢嗰女應該只係知佢係一個好媽媽，佢出世咁耐，應該無唸過佢係唱歌係舞台上。
除咗同容祖兒，佢仲同明哥唱咗漩渦。睇返微博寫，明哥因為趕住睇cass既表演，跌親，攪到佢隻手腫咗，所以再著唔到件格仔褸，第二晚開始要換衫。
我哋嗰晚仲有好正既Eason，原先d預告無講Eason 會係第一場出現，點知，真係帶給大家驚喜。佢仲一口氣唱咗時代曲、沙龍、浮誇，仲有兩首記唔到！
最尾仲要有Sammi 既出現，佢唱親密關係，仲有罪與罰，估唔到呢首歌都係Wyman，真係估唔到！
最尾聲，唱給十年後的我，但每個歌手唱幾句，包括有陳奕迅、明哥、蘇永康、容祖兒、何韻詩、薛凱琪，而且嗰台有張枱，勁似晚餐，不過又好有最後派對既feel，所以好似MV 咁，而最後嗰一句，真係Wyman 自己唱返。
整個show真係正到暈，好耐未睇過咁好睇既演唱會。如果陳慧琳出埋場，唔好話Wyman，我都覺得無遺憾，不過有七個月，真係唔方便，算啦！真係已經好
正！唯一應該有嗰缺點，前面嗰條女同佢條仔超高啦！枝螢光棒都要長d，仲要大動作到暈，攪到我影d相側埋一邊，想打佢啊！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
