![]()
唔知係唔係唸起vivien 住大澳，所以攪咗呢次行山。今日好勁，11個人行山，幾咁人才仔仔。
![]()
我
哋約一點鐘先係東涌等，最後攪到差唔多兩點先出發。雖然我俾咗行程大家，但無論係自己or
其他人都好似無理，因為有vivien呢個原居民同Kandrew
真係唔駛理咁多。好快我哋由東涌出發，經過無人既360，過埋東涌游泳池，我哋就上一條樓梯，見到嗰亭，跟住再行前係一個舊炮台！跟住一路沿馬路，就見到
舊東涌碼頭。跟住應該係望到逸東村，之後去到侯王廟附近，一路一條直路，再過埋昂平棧道，就得返一條路直入大澳！
今日呢條路真係比較簡單，無咩上樓梯位，只係得一條大斜路姐。一開始我哋係咁望住機場行，天色今日又差d，白茫茫咁，真係沮喪。不過好在咁多人一齊行，就
算有前有後，都唔怕悶。同埋就算無景影，都好似要死影咁，hea吓hea吓咁行！所以唔係行得好快，不過咁樣先係我哋目的，唔通又練毅行者咩！
大約4點半左右，我哋到咗深屈村，大家係度停步食嘢！我都食咗嗰蕃薯糖水，自己種既蕃薯又真係幾好味。食完我哋繼續行去大澳。呢段係望海既景色，終於見唔到機場，而且居然有太陽。免強都有藍天白雲既！仲好彩咁見到金光既倒影，不過影相始終俾肉眼睇差少少！
大約六點鐘既時間我哋到大澳啦！同原先計劃時間差唔多，行咗一陣食咗豆腐花！我哋就去咗間幾出名既食肆 -
橫水渡小廚。佢話有四樣嘢出名，包括燒鵝、墨魚餅、豆腐同埋籠仔飯。我哋當然食晒啦！都的確唔錯，食完係差唔多8點半，但已經感覺好似12點咁！我哋帶著
愉快既心情回家lu！
![]()
![]()
