少女時代香港演唱會

 少女時代香港演唱會

韓星既演唱會大多入博覽館睇！今日星期日，所以早d去到東涌行吓食嘢先！但最後都只係揀咗大家樂！食完就搭巴士入去！

去到都未到8點已經好多人！行到去買嘢既地方，得番螢光棒，所以無買入去啦！等到8點半過少少，就開show啦！一開始同日本演唱會係一樣，睇完片就係金字 塔出嚟啦！一嚟唱genie！不過同日本嗰show都好似rundown 差唔多！今次全場都好爆，未試過睇一個韓星演唱會咁鬨動！我哋張飛都$980，但係坐係最後嗰埋既第一行，而下面全部$1280都係企位，咁對比細小的我 坐係度會好d。

佢哋non-stop係到唱好多首歌，當然有佢哋大熱既作品啦！例如Mr. Taxi, Boys, Run Devil Run, Oh!, Hoot, Gee. 正爆！同埋感覺好好，唔似Wonder Girls & Super Junior，真係好有演唱會感覺。

另外，佢哋亦每人有一個環節，獨個兒表演都幾吸引。再加上佢哋真係唱咗好多首歌，仲要唱到11點2左右。你話幾堅！(不過攪到我成點鐘先返屋企，星期一仲要返工架！)

但整睇嚟講今次真係好好睇，所以過年可以努力再煲返佢哋既Japan Concert DVD。

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/