南生圍單車遊

好耐無踩過單車，今次費時唸，所以都係踩返南生圍。同埋燒過兩次都未去過，咪再去吓。
 

每 一次只係記得博愛醫院入，今次roy 好熟落，可能佢真係踩咗好多次。好輕易帶咗我哋入去南生圍條車路。其實唔駛入村，條路真係好踩好多。不過問心，可能條村都無咗！而入到南生圍既草地，雖然 係燒過，不過以踩單車嚟計，好似多咗一條好平坦既單車路咁，加上d 野草好似長得好高咁，去到間舊屋望出去真係靚！

但係唔知今日點解部相機又壞壞地咁，影d 相爆晒光咁！又間中會話error，鏡頭同機身接唔到。自從去台灣開始，呢個問題成日都出現，都唔知點攪咩！攪到我好辛苦咁影完幾張南生圍既相都無再攞部機出嚟！

我哋離開草地，係過橫水渡之前係士多食吓嘢先。食完先繼續起行。離開南生圍，我哋向濕地公園同流浮山進發。今日天氣其實幾好，話落雨又無落，又無太陽。不 過間中都有d雨粉。但我真係唔明，係過天水圍條天橋時，仍然係有人掛晒床單、衫、甚至底褲，真係唔知想點。每次我都係想盡快離開呢條天橋。

大約3點去到流浮山，我哋又食我哋豐富既下午茶 - 就係海鮮。原先好想再踩埋入白泥，不過驚趕唔切出嚟，同埋又無日落睇，所以都係算啦！

6點幾既時間，我哋出返元朗環車。我哋又為我哋既晚餐準備。我哋去咗B仔涼粉隔離間泰國嘢食嘢，都ok，又平！

之後 Ivy, Roy 同 Anson 仲玩咗個任拉任畢既 yogurt，佢哋真係玩咗好耐架！

但我哋既掃街仲未完，我哋去搵甜心鮮果園食炒雪糕，不過鮮果真係唔啱我，我食咗個哈密瓜涼粉算啦！食埋呢餐，今日既旅程終於完啦！

   

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/