講咗兩個月既台北之旅終於開始。雖然最後只係得返我同Sue去，不過行程不變，最驚都係變到我哋兩個變咗心姐！哈哈哈哈！
一早就要起身去機場，我哋兩個都話點解當初珍會揀咁早，玩死咗我哋，未到六點已經要起身，飛8：50，但去到酒店都差唔多十二點，估唔到要咁耐。放底咗行
李，第一站，我哋就去信義區 ﹣四四南村。我哋入咗去入面間coffee shop食嘢。間嘢都幾攪笑，坐係度似溫書多個食嘢。
食完嘢當然出去影相。我好想嚟既原因，除咗係因為龍友勝地外，就係因為呢度係上次HOCC嗰唱片封套係度影，但好可惜我上唔到屋頂。
其實佢環境都幾細，影咗一輪相，我哋行返101、新光及誠品。誠品入面賣既衫真係靚，不過好貴啊！買唔起啊！大約六點九離開信義區。我哋繼續搭捷運去南港展覽會站。不過之前既南港站，有D幾米壁畫，所以我哋落車影咗幾張相。
出咗捷運站，我哋就搭咗35分鐘的士去到應該係五指山既地方，去Ceci 介紹既隱世餐廳。真係好山卡啦既地方，都唔明點解佢會知，佢真係唔簡單（雖然向來都知）。
嗰地方真係好特別，不過太黑同太大雨啦！應該唔會好影到出面。入到去，差唔多每枱有個私人地方，可能我哋太遲，所以上菜上得好快，同埋要食得好快。問心，
食咩，幾錢我完全唔知。最正我又去，而Sue又無say no。佢上每一道菜先介紹係咩嚟！Total
有11道菜。食到好鬼飽。最好味係個湯，而且佢放嗰乾蓮花睇住佢好似開花咁都好特別。而其他既菜，我哋覺得OK，但未致於超正，同埋main point
佢唔係好熱lor。另外可能我哋太遲去，攪到太趕，9點半唔係嗰度走，又真係好唔掂。我哋咁攪去返汐科火車站等下班車都22：07lor，如果係返酒店都
要攪到11點幾啦！你話唔食快D點得啊！
當然我哋就未返酒店啦！我哋落咗忠考敦化既誠品買埋書先啦！最後攪到十二點左右先返到酒店。今日都算玩都盡。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
