行完毅行者，另一講咗好耐既team building 活動art jam終於開始。因為係team buildng 活動，所以係下畫兩點半就開始！
為咗呢個人生第一次art jam，嗰主題真係唸咗好耐。不過我一心都想係自己既相裡面搵題材。但都係不離神山同富士山之旅。最後放棄藍天白雲，我揀咗合掌屋。因為本身我已經好like張相，同埋感覺叫變化大d，應該易畫d。
因為要靠陰影去交代唔同既草、樹等等，所以問定老師點做好。跟住就畫畫畫。總算叫畫到個作品出嚟！
![]()
除咗我，其實每個同事都好認真地畫佢哋既作品，而且個個唔止有板有眼，仲要畫得好靚添！最正係又話唔識，又話第一次畫，點知d水準係咁高，真係無唸過。
畫咗成三個鐘，作品終於完成，問心都唔係好似，亦唔係畫得靚，總算過得自己嗰關啦！不過問我，畫既過程真係好開心，簡直回到返中學讀art既感覺。我相信我都會再玩多次，只係比較擔心幅畫唔知放係邊好姐！
畫完畫之後就食晚飯。食咗兩隻大閘鞋，再加其他餸，真係飽到晒胃。之後我哋仲去埋飲嘢添，真係好滿足既星期五。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
