其實攞到返嚟,已經發覺跳舞時間開始,人哋食飽晒,飲緊酒實high,我哋,好努力食嘢,餓死!食飽咗,終於可以玩吓!Marcom 佢哋連埋我哋既 coupon換咗一筒啤酒!所以我哋居然係度玩嗰罐嘢!我哋玩到十一點幾就走啦!
雖然我哋其實好似無參加過啤酒節咁,因為連佢跳既舞我都無睇過,可能感覺同舊年差唔多。不過都好開心架,因為咁貴既嘢食,唔駛自己俾錢,幾好啊!
食完我哋仲落咗去海港城睇Disney 既燈飾。雖然我唔like Disney 公仔,不過啱啱放咗幾日,緊係要快去影吓相先啦!唔like姐,不過氣氛的確好開心,童話世界真係童話世界,可以忘記煩惱!
睇完出面既裝飾,就睇入面棵三眼仔樹。遠望都ok,但近睇我覺得三眼仔好恐怖,仲咩咁多隻眼!
影完海運呢邊,唸住港威都有,點知無wor,跟住我哋就走lu!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/