馬場啤酒節

有日同Thomas 食Lunch 佢話識人去馬場啤酒節飲啤酒同食嘢都唔駛錢。咁都幾好wor，舊年已經去咗Marco Polo，今年試吓第二度，再者馬場我真係未入過，除咗大王結婚。所以噚日夜馬，我哋就入咗去！

馬場真係超多人，可能再有啤酒節，所以有賭客，有好多鬼佬啦！有自由行啦！同埋我呢d睇熱鬧既人。我哋唸住睇一場馬之後先食嘢！好辛苦咁霸咗嗰位，等開場。攞住部大機等，都幾攰啊！但第一次入馬場，點都要影吓跑馬既樣。

好！馬匹跑完沙圈入跑度，影吓佢哋慢行既樣。跟住入閘開跑，等待捕捉奔騰既一刻。總算影到一兩張既。影完我哋唸住食嘢！點知佢話太多人，好難，所以我哋就離開，出去食嘢算啦！

飲唔飲啤酒都無咩所謂，最重要係感受到氣氛，同埋影吓相姐！我覺得可以再嚟影相，真係好得啊，正如Cherry 講，下次應該試沙田，日頭影又唔駛開咁大ISO，仲可以快d快門。 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/